2016年6月16日 星期四

勁似前度羅天宇  Coffee同新仔 Jerry瞓巴士去旅行 [壹週刊 - 1371] __,Coffee,羅天宇,林芊妤,M1,

娛樂偵訊勁似前度羅天宇 Coffee同新仔Jerry瞓巴士去旅行離開無綫兩年,Coffee(林芊妤)投身做瑜伽達人後,有市有客有錢搵,事業運轉,異性緣同樣旺!先後傳出上海仔力追,又有半億金融才俊陪食飯睇戲,不過都冇下文,因為已經撻着勁似前度羅天宇的Jerry(陳國熙),二人更齊去旅行齊瞓巴士。有FeelCoffee的新歡Jerry,因為是旅遊節目主持,所以成日周圍飛,早前因為參加ViuTV製作的旅 ...


娛樂偵訊

勁似前度羅天宇  Coffee同新仔 Jerry瞓巴士去旅行

離開無綫兩年, Coffee(林芊妤)投身做瑜伽達人後,有市有客有錢搵,事業運轉,異性緣同樣旺!先後傳出上海仔力追,又有半億金融才俊陪食飯睇戲,不過都冇下文,因為已經撻着勁似前度羅天宇的 Jerry(陳國熙),二人更齊去旅行齊瞓巴士。

有 Feel

Coffee的新歡 Jerry,因為是旅遊節目主持,所以成日周圍飛,早前因為參加 ViuTV製作的旅遊節目,以「臥底」身份參加平團到中山旅行而認識 Coffee;合作一次,二人即刻有 feel有火花,全因 Jerry勁似 Coffee前度羅天宇。

「 Jerry俾人話似羅天宇外,仲有似小豬(羅志祥)同陳曉東,個樣一啲都唔差,好多身邊朋友叫佢試吓拍戲,不過佢仲有份工做旅行社,唔算困身,但做節目都要請假,所以佢冇諗過做演員。

「之前同 Coffee去完 trip,返嚟 Jerry猛話 Coffee話自己似佢個 Ex,又話第一次合作就好有默契,兩個坐巴士齊齊瞓着覺,擺明好冧好開心!返到香港後,佢哋就開始約見面食飯,話咁易撻着。」 Jerry身邊人說。

(超似樣)羅天宇

二人在巴士的瞓覺相,就喺 Coffee ig搵到。

同 Jerry食甜品, Coffee小背心短褲,戰鬥力強。

食完甜品行去的士站, Jerry見有車,即小心拖 Coffee過馬路。

同 Coffee搭的士走人, Jerry開門讓女友先上車,好 gentleman。

留後路

日前,本刊發現著貼身背心短褲、淺露事業線的 Coffee,與返 office打扮的 Jerry,在銅鑼灣希雲街附近行來行去搵食,最後由 Coffee揸主意,食甜品。

由於已過了午飯時間,餐廳只有他們一枱客,二人亦講多過食, Coffee更不時講到手指指,十分開心。

對於跟 Jerry有發展,將出發到峇里拍真人騷的 Coffee回應說:「佢( Jerry)係有少少似 Joey(羅天宇),不過其實仲似好多人,小豬啦、陳曉東冇特別話對呢類型嘅男仔有興趣嘅,都係睇性格多。而家仲未知,睇定啲先啦。」唔直認又冇一口否定,當然,經驗豐富的 Coffee,又點會自斷後路呢!

呢一式瑜伽,真係冇番咁上下功力都做唔到。

Coffee自從投身做瑜伽達人後,經常放旅遊三點式瑜伽相公諸同好,做生招牌。

成日周圍去的 Jerry,亦有放「肉照」上 fb。

羅天宇已有新女友,跟湯洛雯拍拖兩年,經常被拍到行街食飯。

大把仔

Gathering發生前後, Coffee身邊其實都未停過換馬,當中不乏有樣同有米,唔係絕色大美人,一樣大把仔揸手。

林知譽

跟富二代上巿公司董事林知譽( Will) gathering被踢爆後,隨即分手冇下文,男方去年已與羅氏針織後人羅穎怡拉埋天窗。

羅天宇

09年跟同是新人的羅天宇合作電視劇《四葉草》之「南華夢飛翔」,一拍即合,拍拖接近兩年,分手後,羅母仍大讚 Coffee係好女仔。

潘宗揚

羅天宇後, Coffee跟由演員轉行做獸醫的潘宗揚拍拖,但 13年 Coffee在電視劇著三點式,大騷 34D胸器成高登女神後,醋底男友隨即發放啜爆 Coffee合照示威。

上海仔

14年,江湖人上海仔郭永鴻在澳門替 Coffee慶祝生日,有指她獲贈厚禮,但 Coffee事後否認傳聞,更表示為怕影響朋友,在緋聞出街後已經沒有聯絡對方。

Jeff

金融公司老闆 Jeff,經常被拍到跟 Coffee出雙入對,但她聲稱同對方只是間唔中約食飯睇戲的普通朋友。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...