掃呢頁CODE去手機

2016年6月16日 星期四

伍詠薇代偷食老公鞠躬道歉 __,伍詠薇,

老公搞出「大頭佛」,估唔到伍詠薇竟然仲識講笑!
伍詠薇代偷食老公鞠躬道歉伍詠薇與老公練海棠將踏入結婚17年,一直公認是圈中模範夫婦,怎料昨日練海棠被踢爆密會大胸女!老公「偷食」,老婆當災,伍姑娘昨面對半百傳媒追訪表現冷靜,談到會否離婚?她直言:「出門口時已問個結局,有冇做嗰啲咩先?」雖沒表明答案,但伍姑娘表示暫時相信老公,更多次代老公向傳媒致歉!而向來幽默的伍姑娘,接受訪問時都忍不住寸老公:「佢出去食飯食得幾開心,好似初戀咁樣!」老公搞出「大頭 ...


伍詠薇代偷食老公鞠躬道歉

伍詠薇與老公練海棠將踏入結婚17年,一直公認是圈中模範夫婦,怎料昨日練海棠被踢爆密會大胸女!老公「偷食」,老婆當災,伍姑娘昨面對半百傳媒追訪表現冷靜,談到會否離婚?她直言:「出門口時已問個結局,有冇做嗰啲咩先?」雖沒表明答案,但伍姑娘表示暫時相信老公,更多次代老公向傳媒致歉!而向來幽默的伍姑娘,接受訪問時都忍不住寸老公:「佢出去食飯食得幾開心,好似初戀咁樣!」

伍詠薇老公練海棠昨日驚爆「偷食」大胸女,車上密會兩小時,昨致電伍姑娘,她先以短訊回覆:「同老公傾緊,要打佢籮柚,勁打佢籮柚呀!家事處理中,夫妻係要經起風浪嘅!」

之後伍姑娘如常現身中環為其主持的有線節目《伍姑娘真識食》錄影,似乎信任老公而安心工作的她,未知是否抗拒再坐老公的「戰車」,選擇坐電視台專車現身,大情大性的伍姑娘表現意外地冷靜,面帶笑容應對傳媒,問到有否被報道影響?她說:「心情有少少,睇到嘅時候,我都嚇一嚇。」

「有冇做嗰啲咩先」

步入拍攝場地後,伍姑娘被問有否向老公了解事件經過?她說:「今朝睇清楚條片,消化咗先,我發現自己幾冷靜,跟住叫醒老公,我同佢講唔緊要,不如你話番我知咩事,作為一段成熟嘅關係,唔應該係鬧完先問點解。呢個時候老婆愈冷靜處理,老公就愈驚。奈何今朝好早出門口,傾咗個零鐘,暫未清楚晒成件事,依家你問我,我只可以答做完嘢返屋企,返去閂埋門再做審判!(如屬實會否離婚?)已經問咗佢個結局,有冇做嗰啲咩先,如果有做,我就真係冇嘢講。之後點處理就唔會再同大家交代,今次係最後一次公開講。(識得片中女子?)個女仔識唔識唔重要,畢竟一隻筷子敲唔響,段片都影得佢出去食飯食得幾開心,好似初戀咁樣,抵佢畀人影到!」

伍詠薇代老公鞠躬致歉。
  • 伍詠薇代老公鞠躬致歉。
黯然神傷<br>伍詠薇代「偷食」老公面對傳媒,表現異常冷靜。
  • 黯然神傷

    伍詠薇代「偷食」老公面對傳媒,表現異常冷靜。
冷靜回應<br>「呢個時候老婆愈冷靜處理,老公就愈驚。」
  • 冷靜回應

    「呢個時候老婆愈冷靜處理,老公就愈驚。」
伍詠薇多番強調返屋企會「勁審」練海棠。
  • 伍詠薇多番強調返屋企會「勁審」練海棠。

「未至於講對唔住」

問到會否(目及)實老公阻女埋身,伍姑娘說:「唔會突然有攝石,另一方面諗,我唔會怪晒對方,係咪我疏忽咗家庭生活?之後解決咗問題,會抽多啲時間陪屋企人,唔係話(目及)住佢,係需要相處,我哋關係好牢固,唔係你哋講一句話就影響到,祝我好運啦,又祝福佢好運,叫佢以後乖乖地」她在訪問期間數度鞠躬代夫道歉:「要大家擔心,喺度要代練海棠講一聲好抱歉,自己玩完出嚟要老婆代佢講嘢!(老公有同你道歉?)佢話唔好意思,出嚟要面對咁多記者,佢食餐飯,我就要出嚟解答,變咗佢經理人,但未至於講對唔住,如果講對唔住即係做錯事,所以呢個問題我答得好妙,希望佢唔好同我講對唔住!」

提到下月1日是二人結婚17周年紀念日,問到會否如常慶祝?伍姑娘說:「今年仲係計劃緊搞與唔搞之間,我想二人世界,加上最近工作太密,冇時間畀我約朋友,可能低調慶祝,要再諗。等我今晚返去勁審佢,但今晚都要做嘢,等呢個星期勁審佢,所以你哋應該見唔到我哋喺街,狗仔隊可以休息!」而她回應事件後繼續錄影工作,約下午六時許再乘坐電視台專車返抵貝沙灣住所,未知是否如她所說返家「勁審」老公練海棠!

文:影視組


鍾意就快D Share啦!