掃呢頁CODE去手機

2016年6月16日 星期四

容祖兒咬住五年 李克勤 3千萬過檔英皇 [壹週刊 - 1371] __,祖兒,李克勤,克勤,英皇,容祖兒,M1,

娛樂偵訊容祖兒咬住五年 李克勤3千萬過檔英皇李克勤與容祖兒04年合作拉闊音樂會結緣後,Joey便成為他近年來往得最密的圈中異性;據了解,Joey亦一直咬住唔放,希望拉攏他過檔英皇。直至最近,有傳克勤將離開效力十八年的環球唱片,及合作逾三十年的經理人張國忠,以三千萬轉會英皇。容祖兒,終於得逞!盧淑儀反對先後效力過寶麗金、星光和藝能動音的李克勤,九八年加盟環球(前身寶麗金)後,十八年冇轉過會,出道以來 ...


娛樂偵訊

容祖兒咬住五年 李克勤 3千萬過檔英皇

李克勤與容祖兒 04年合作拉闊音樂會結緣後, Joey便成為他近年來往得最密的圈中異性;據了解, Joey亦一直咬住唔放,希望拉攏他過檔英皇。

直至最近,有傳克勤將離開效力十八年的環球唱片,及合作逾三十年的經理人張國忠,以三千萬轉會英皇。容祖兒,終於得逞!

盧淑儀反對

先後效力過寶麗金、星光和藝能動音的李克勤,九八年加盟環球(前身寶麗金)後,十八年冇轉過會,出道以來,經理人公司一直是藝能娛樂,與張國忠合作超過三十年。

四十八歲的克勤終於有離心,除了老友容祖兒咬住唔放,還另有原因。

「克勤一直覺得環球唔係特別對佢好,公司好多嘢都以陳奕迅為先,佢只會係次選;加上同無綫反晒枱,以佢同殼王(陳國強)關係,克勤當然唔想大家搞成咁。近呢幾年, Joey真係不時叫克勤考慮走, Wyman成日幫口,英皇俾到錢,又肯幫佢出國語碟同打入內地市場。」知情者說。

事實上,英皇並非初次打李克勤主意。「好多年前,英皇都開過二千萬轉會費搵克勤過檔,不過當時盧淑儀認為兩個仔仲細,收得人咁多錢,一定要跑番條數返嚟,咁就唔會有時間陪兩個仔。所以克勤最後都聽老婆意見,繼續留喺環球同藝能。」

04年拉闊音樂會

15年容祖兒李克勤演唱會

克勤於 85年已簽約寶麗金唱片,除了中段離開過一陣子外, 98年再簽約環球,橫跨兩個唱片朝代。

祖兒很欣賞克勤,五年來不斷拉攏他簽英皇娛樂,老闆楊受成亦出過手,終於得償所願。

最後衝刺

如今大仔 Ryan八歲,細仔 Rex六歲,克勤經過多番考慮,覺得應該在事業方面,踏上另一階段。

「克勤已經四十八歲,兩個仔又開始大,加上舊年參加內地歌唱比賽,人氣同吸金力都大幅上升,英皇亦講明會幫佢搞大陸市場,要再衝的話,就應該趁今次機會。當初克勤都擔心會俾人話佢忘本,但其實佢同經理人公司合作已經超過三十年,老闆張國忠亦隨時退休,克勤都要為自己打算,唔擔心得咁多。」

現時英皇旗下的男歌手,主力雖然還有張敬軒和古巨基,不過,克勤亦有個人優勢。

「喺環球,克勤始終會俾陳奕迅騎住,但去到英皇,克勤始終高軒仔幾班,至於基仔,更加唔使擔心,因為基仔認為香港嘅英皇同事幫唔到佢,所以佢嘅嘢,一早已經係北京英皇睇,香港英皇冇得插手,可以主力做克勤。」知情者說。

克勤與環球合作了 18年,更與經理人張國忠合作逾 30年,沒想過他會臨老轉會。

去年開始參加內地歌唱比賽的克勤,人氣及吸金力急升,是他轉會的另一原動力。

盧淑儀曾經因為兒子太細而反對克勤轉會,今日兩位公子漸成長,盧淑儀支持老公向外闖。

盧淑儀與容祖兒一樣老友,兩 pair人經常相聚。

09年簽約英皇娛樂的古巨基,主力內地發展,賺了不少人仔。

陳奕迅 05年便簽約環球旗下的新藝寶唱片,無論獎項、歌曲受歡迎程度或賣碟方面,均比克勤好。

撰文、攝影、攝錄:娛樂組


鍾意就快D Share啦!