2016年6月4日 星期六

【貼半裸照+私影=違反合約】FAITH又迫人退團 Dawn出局 成員被雪 __,裸照,FAITH,

MKPop!MKPop!MKPop!MKPop,會唔會得番FFx支撐大局?絕對有可能!咁FAITH呢?Sosad,又有團員被退團!去年10月先至退咗個成員Wave咋喎,佢仲係自己「被退出」之後至知自己已被out嘅!罪名係佢私務繁多,無法兼顧FAITH的工作,令唱片計劃延誤,故才加入楊柏麟(River)及鄧鈞耀(Dawn)代替。最爆嘅仲係,Wave本人根本唔知被暫停工作,要fans話佢知「你out咗 ...


MK Pop!MK Pop!MK Pop!MK Pop,會唔會得番FFx支撐大局?絕對有可能!咁FAITH呢?Sosad,又有團員被退團!

去年10月先至退咗個成員Wave咋喎,佢仲係自己「被退出」之後至知自己已被out嘅!罪名係佢私務繁多,無法兼顧FAITH的工作,令唱片計劃延誤,故才加入楊柏麟(River)及鄧鈞耀(Dawn)代替。最爆嘅仲係,Wave本人根本唔知被暫停工作,要fans話佢知「你out咗喇」,佢至知。(新聞連結: http://bit.ly/1UjS7hL )今次out邊個?係Dawn!罪名?多得很。根據其所屬唱片公司宣佈,罪名包括:

1.多次綵排及表演失場

2.未經公司與客戶接洽及授權批准的情況下,瞞騙公司多次私自應邀接洽攝影及出席活動等工作;

3.另外,由於FAITH歌迷年齡層非常年輕,但在公司多次勸喻之下,仍然堅持在其社交網站上張貼各種半裸照片,除了影響公司及團隊形象之外,甚至多次引來「有心人士」向本公司查詢鄧之「不正經交易價格」,令本公司不勝其煩!唱片公司聲稱,「鄧(Dawn)此舉實在讓FAITH的理念與清新健康形象大受傷害,多個廣告及形象大使工作亦被煞停,亦令公司團隊以致其他成員蒙受嚴重的損失!」又表明公司會就之前Dawn私下接過嘅job同私影保留法律追究權利,包括向Dawn本人,以及各大「『明知故犯』的涉事客戶」(聲明真係咁寫)各位妹豬們,係咪喊緊?咪住,bad news未完。Dawn被出局,另有成員可能被「停牌」。邊個?唱片公司唔講,只係喺聲明尾段寫道:「在經過公司內部評估之後,FAITH 其餘成員亦曾犯下個別過失,但嚴重程度不一,因此除了 鄧之外,本公司亦已經向有關之成員作出了「雪藏」(即暫停一切活動及工作) 的警告,而表現良好的成員仍會繼續活躍。」即係點????其實22歲嘅Dawn,去年5月加入之初(3+2=4),已經俾網民起底貼佢嘅全裸照,張相更喺同志網瘋傳,社交網站自貼大量僅穿小三角泳褲晒肌嘅相。網民又爆佢之前叫做Edmond,2012年曾選UStar校花校草選舉,大前年由港大食物及營養學,轉校到理大職業治療,表演慾極強,中學時期年年參加「全港中學校際歌唱大賽」,就連聯校歌唱比賽,同nowTV主辦嘅「快樂男聲」都唔放過。因為貼半裸照,俾人問價同影「私影」,破壞Dawn同唱片公司嘅合約精神?而FAITH又係「歌迷年齡層非常年輕」,就係因為咁,而成為出局理由之一?咁Dawn點回應?佢喺fb冇回應,只係最擔心公公健康。亦有人話:「恭喜最睇得最唱得嘅Dawn脫離Faith!一個鍾意唱歌,又有啲技巧嘅人,留喺入面真係浪費咗!」有同感嘅俾個like and share。

6月1號,Dawn仲好開心咁貼圖,hash tag係香港男生4,預告書展出書呀。 自拍半裸照,因而人向其所屬公司查詢Dawn之「不正經交易價格」… 都係6月1號貼嘅,tag係「工作多累,也要流一身汗才舒服」,好健康呀。
去海灘,梗係咁著㗎啦! 唱片公司之嚴正聲明 加入FAITH後第一次歌迷聚會
2015年拎埋新城勁爆新人獎 左邊嘅係Sky
Dawn加入之初,已有網民火速將佢起底,包括呢張半裸照。 3+2-1=4。本來係。依家係3+2-1-x=y,因為除咗Dawn被叮之外,仲有成員被雪藏緊,生死未卜。 維基呢份「死亡筆記」名單會否越來越長?

鍾意就快D Share啦!
Related Posts Plugin for WordPress, Blogger...