網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月15日 星期四

余迪偉:一隻著到上腳嘅襪! [壹週刊 - 1462 - 生活] __,M1,

自豪大鵰有幾大探熱針余迪偉:一隻著到上腳嘅襪!下月DJ余迪偉單拖踩入灣仔香港賽馬會演藝劇院,舉行首個一人劇場《一支弓》。香港一年到晚都有藝人開騷,要引 ...






自豪大鵰有幾大

探熱針

余迪偉:一隻著到上腳嘅襪!

下月 DJ余迪偉單拖踩入灣仔香港賽馬會演藝劇院,舉行首個一人劇場《一支弓》。香港一年到晚都有藝人開騷,要引人拎$480買飛入場確是一門學問,余迪偉先靠海報吸睛,單刀直入賣肉 sell人魚線,將引以自豪的格仔餅(六嚿腹肌) show off人前。

唔講唔知,大鵰亦是他引以自豪的身體部分。到底有幾大?余迪偉引述一段悉尼天體浴的趣事,有好心人借出襪子給他防曬大鵰, size正是:「一隻著到上腳的襪,你自己諗」

大鵰=男裝襪

第一眼望到余迪偉的《一支弓》海報,我估不少人第一下反應都是:「唓!電腦 key上去啦,邊有咁大隻!」直至記者會上當事人揭起上身衫晒少少「格仔餅」,先知余迪偉「有料到」!除了努力經營的 body,原來天生異稟的巨鵰亦都是他引以自豪的地方!每個人對大、小的定義總有出入,於是舉例問他巨鵰是如關東煮的竹輪、玉米、茄子,還是一筒薯片時,余迪偉眼睛一轉,嫌棄無樣啱,反客為主分享了一個昔日去悉尼天體海灘的經歷。「我試過第一日裸曬,身體無曬燶,點知大鵰曬燶咗,第二日去點算?撞啱沙灘上有個鬼佬提醒我,話大鵰嘅皮膚實在太嫩,平時又無見開太陽,突然咁曬好易灼傷,跟住佢教我,你套隻襪嘛,跟手拎個袋,入面有船襪、波襪、長襪,佢一攞就攞咗最大嗰隻俾我,即係著到上腳嘅襪,你自己諗嘞!」余迪偉說。







海報中的余迪偉大騷格仔餅,第一眼真係以為 key上去。





10年同灘叔做棟篤騷,不惜男男 kiss引人注意。





Keep住一至兩年出一本書的余迪偉,去年推出《 Lovetionary多余的愛》。





同林二汶合作主持 ViuTV的《晚吹又要威又要戴頭盔》而成為好友。





10年的棟篤騷請來不少嘉賓上台分享,連向來深閨的李克勤都俾面現身。

身兼多職

余迪偉(原名余國雄),早年移民溫哥華,於當地任電台華僑之聲主持,其後得朱明銳引薦加入商台。 05年,余迪偉與卓韻芝主持《五天精華遊》,其後分別與阿 Bu、鄒凱光及林二汶主持 phone in節目《一八七二遊花園》; 10年,余迪偉與鄒凱光於理工大學連開四場《爆響口之唔出得街》,以「性」做主題 talk show,余迪偉當眾露股,並與鄒凱光互嘴,將全場氣氛推至極點。此外,余迪偉又身兼作家,曾推出多本書籍,《筆舉直插》、《筆談情》、《咪戀搞我》等愛情故事。

近年,余迪偉升呢與 Do姐及麻利亞拍檔,主持商台節目《口水多過浪花》,又參與 ViuTV節目《晚吹》,得到不少鐵粉支持。



Mean精是這樣煉成

聽過余迪偉主持的節目,不難發現他說話潑辣、刻薄又不失善良,當事人指,屋企開書局,小時候總會到鋪頭幫手,接觸的人群層面比同齡的小朋友多,加上自細與年紀大一截的朋友玩,令他變得分外老練,潑辣、刻薄的說話模式亦漸見雛形。「小四、五已經同阿哥、家姐啲中學同學玩,到我讀大學,宿舍同學全部都係讀碩士同博士,大家又玩得埋,全部人都唔介意我細過佢哋,乜都搵我傾,所以我比同年紀的人成熟,加上我有嗰句講嗰句,所以啲人咪覺得我 bitchy得嚟又 mean!」





10年小儀同前度分手,余迪偉不時傍實出入,幫對方擋駕。





13年余迪偉為有線奇妙娛樂台主持《魔鏡我最靚》,訪問變性人。





余迪偉自細在欺凌中成長,不時俾人話乸形、女人型。

唔係棟篤笑

一○年余迪偉孖住商台拍檔灘叔(鄒凱光)做過兩場棟篤騷《爆響口之唔出得街》,他說話潑辣、刻薄的性格表露無遺,不時有人問他幾時單拖上陣再開騷,剛巧兒時好友提議他將自身經歷變成一人劇場,睇準它跟棟篤笑大不同,於是膽粗粗一試。「我會有好多載歌載舞的場面,又會一人分飾好多唔同角色,全部用我自身故事出發,例如欺凌,我經歷好多,細細個就俾人話乸形、女人型,唔知乜嘢叫乸形嘅時候,已經俾人冠名叫基佬,呢啲會攞出嚟講。」

經歷過電台、電視台有尺度限制,說話「就住就住」,余迪偉講到明自己的一人劇場會去盡一點。「人哋點睇 I don't really care,只要我講出嚟嘅嘢完全係事實,你有共鳴已經可以,我唔係要大義凜然,想點醒世人,多鬼餘,你係邊個啫?但我只不過好想嚟睇嘅觀眾會袋住個訊息離開。」





13年余迪偉有份拍《爆 3俏嬌娃》,同周秀娜有對手戲。





余迪偉初入行拍住卓韻芝做節目,間接令二人成為閨蜜。





圈中好友一籮籮,張敬軒同王菀之也是余迪偉的好友之一。

撰文:陳杏華 攝影、攝錄:蕭敬漁 設計:美術組

髮型: Hillnex Lee@The Attic 化妝: Echo Wong

服裝: Wagamama playground 眼鏡: red dot optic 場地: The Attic


鍾意就快D Share啦!


Related Posts Plugin for WordPress, Blogger...