蘇志威點解咁成功，佢就話全靠天時、地利同人和！
百足咁多爪的藝人蘇志威除了歌唱事業的正職之外，同時亦是舞蹈學校及自家西裝品牌的老闆，投資有道的他於受訪時，就分享做生意的成功之道，他表示最緊要是天時、地利、人和︰「唔會喺沙漠賣雨褸，要知道咩時候做咩，捉緊時代步伐，仲有要勤力同埋有彩數，眼光要好先搵到好員工。（平時都會經常落舖？）耐唔中落去，都係交畀拍檔。（覺得自己係咪一個好老闆？）都唔差囉，哈哈，我唔怕讚自己好。」他又坦言在香港做生意要捱貴租，不過見到客人揀選到心頭好就覺得這份開心是用金錢買不到。
講到開設自家西裝品牌的原因，是來自拍檔於結婚時找不到合適的禮服，蘇志威當時又覺得應該要有多一個選擇給男士，所以就開始這門事業︰「自己成日都會着舞台衫，打破黑、白、灰風格，點知用其他顏色，好似藍、粉紅、橙色，點知啲人都好受落，趨向年輕化。」另外，回歸歌手身份的蘇志威亦表示今年都會繼續舉辦巡迴演唱會，包括前往東南亞及中國地區，組合草蜢亦會於下半年推出廣東大碟，正準備錄音工作。
來源 source: http://hk.on.cc
|
鍾意就快D Share啦！
|
|
|