熱爆娛樂: 鄧穎芝訓練獨腳 Christin挑戰障礙賽 [壹週刊 - 1462

2018年3月15日星期四

鄧穎芝訓練獨腳 Christin挑戰障礙賽 [壹週刊 - 1462 - 生活] __,鄧穎芝,M1,

場地提供： Goji Studios

鄧穎芝服裝： PUMA

探熱針

鄧穎芝訓練獨腳 Christin挑戰障礙賽

入行十五年，歌手出身的鄧穎芝（ Vangie），去年考獲健身教練牌，一個月前由朋友介紹認識天生獨腳的 Christine（蘇慈悅），培訓她參加四月在港舉行的斯巴特障礙賽。學生如此獨特，做教練兩個星期的 Vangie佩服她的勇氣毅力，更決定當日一起參賽：「好多時都唔記得佢得一隻腳，令佢好尷尬。」

練手臂力， Vangie從旁指導，全程十分細心。

這個跳上墊的動作， Christine揸住拳頭落力去做。

改變後的 Christine會著高踭鞋，行街睇戲。

吸引一隻腳的人

鄧穎芝向來喜歡做運動，看見身邊朋友懶懶閒，她希望以身作則，帶動做運動風氣，結果第一個被吸引的是獨腳 Christine，她說：「佢一開始已經打動我，我考咗健身教練牌幾個月，未夠經驗去幫人，但一隻腳嘅人都想參加呢個比賽，都想去做運動，我仲有咩藉口唔幫佢。」她說今次做教練不收分文，因為時間緊迫，她安排 Christine接受每星期四天，每天一個鐘訓練，兩星期已經有明顯效果。

學生只得一隻腳，細心的鄧穎芝會在上課前度身訂製 programme，用一隻腳做一次，測試是否可行，她卻嫌自己未夠細心，她說：「我試過帶佢去做脂肪測試，點知部機係要兩隻腳先做到，我即時同佢 say sorry，我覺得自己失職，好似好落佢面咁。」

不過 Christine卻看到鄧穎芝天使的一面，在短短的兩星期，不斷給她信心。

「佢對我好嚴格，但每次練完之後，會關心我有冇肌肉痛，又介紹我餐單，知道我做運動好辛苦，佢又會好鼓勵我，嗰份正能量爆棚。」 Christine說師生倆會一起參加

比賽。

鄧穎芝參加過斯巴達障礙賽，嬌滴滴的簡淑兒也有份參賽。

維珍老闆請遊島

天生獨腳的 Christine，因為要用義肢外出，加上截肢位較高，一直做事缺乏信心，害怕別人目光，就連沙灘、戲院都不夠膽去，二十一歲前一直將自己困在家，她形容當時人生就如一個監獄，直至她接受自己，並決定改變，才真正體驗

世界。

「十二歲時睇過維珍航空創辦人 Richard Branson紀錄片，佢坐住熱氣球橫渡大西洋，嗰一刻，我好想好似佢咁有冒險精神，當時覺得自己傷殘，冇可能做到。直至二十一歲，我相信只要肯行出第一步，先可以有徹底改變。」

心念一轉變， Christine大學畢業後用枴杖周圍去，試過整整一年做 backpacker遊走不同國家，前年用枴杖以兩小時完成 10K街馬，她覺得參加斯巴達比賽意義更大。

「我覺得比賽好似人生咁，要衝破唔同關卡，就算撻到成身泥都唔緊要，可以繼續向前達成目標，只要唔放棄就會成功。」 Christine說。