網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月15日 星期四

女神男神:全國幫手追迪麗熱巴 癡漢柏圖有冇計? __,女神,

(互聯網圖片)即上英超刨績王:http://win.on.cc/epl 巴西靚仔射手柏圖,去到中超加盟天津權健,已經完全融入中國生活,佢愛上中國,相信 ...


(互聯網圖片)


即上英超刨績王:http://win.on.cc/epl 

巴西靚仔射手柏圖,去到中超加盟天津權健,已經完全融入中國生活,佢愛上中國,相信同國內美女有好大關係。呢位28歲洲際國家盃冠軍射手,勁鍾意《三生三世十里桃花》女星迪麗熱巴,已多次於微博狂撩美人,可惜就冇乜回音。柏圖剛啱於亞冠盃入波,賽後拎住熱巴張海報示愛,全場球迷勁嗌熱巴個名,又去佢微博叫熱巴應吓柏圖,唔知會唔會感動到呢位大美人呢?

柏圖對熱巴有興,已經全國皆知,今輪亞冠盃佢於比賽尾段入波,帶領權健贏南韓全北汽車4:2,賽後有球迷送出柏圖同熱巴嘅大海報,上面寫住「帕建國好好踢,迪麗熱巴看直播呢」,柏圖見到熱巴張相,笑到見牙唔見眼,拎住張Poster多謝全場球迷。球迷即時起哄,全場勁叫「熱巴、熱巴」,場面搞笑。又有網民去到熱巴微博,話柏圖剛啱入波,叫呢位美女理吓柏圖,睇嚟好想促成呢段姻緣喎!

柏圖17年1月加盟天津權健,好快就重拾好狀態,並且勁鍾意喺國內生活,舊年佢於微博就上載一張天安門相,恭賀中國建國,所以好得球迷歡心,幫佢改咗個花名叫「帕建國」(柏圖國內易名為帕托)。

「帕建國」出名靚仔,同過唔少靚女明星拍拖,佢前妻同對上一個女朋友都係明星,睇嚟佢對靚女藝人情有獨鍾。識用微博之後,係咁於網上撩熱巴傾偈,佢曾公開話:「迪麗熱巴係全中國最靚嘅女仔,我冇乜想點呀,只係希望同佢於網上互相關注吓。」但如果熱巴堅係有回應,柏圖應該唔只淨係想咁囉!

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!