網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月28日 星期四

[壹週刊 1277] 老細下旨 勒戒瘟仔 千語 BB焗做打女 千語,吳千語,M1,




探熱針

老細下旨 勒戒瘟仔 千語 BB焗做打女

自從被林峯私有化後,有傳吳千語為貼身拑住男友,只肯出席工時短的品牌活動,困身的電影工作可免則免。

瘟仔冇「錢」途,有指吳千語公司啟動 BB復工,安排她拍動作片又吊威吔又要瞓地,做打女捱完一輪, BB即被男友接走出埠歎世界,一切照舊!

打到瘦晒

被黃百鳴睇中,開戲捧做女主角的吳千語,得林峯「瘋愛」後,工作全面放軟手腳,專心瘟仔。

有指公司希望 BB遠離「拑住男友 shopping」新聞,於是展開洗底計劃,下令要唔願做的千語 BB連接兩套電影,包括和劉美君合作的《王家欣》及要她打餐飽做打女的《青春鬥》。

有約在身,千語 BB再不情願,也要頂硬上。

日前, BB跟對手林德信在東莞埋位拍《青春鬥》,吊威吔拍動作場面,有林峯呵住,享受慣的她連吊幾日威吔,仲要吊住大嗌,搞到聲沙晒都冇得抖,再嚟倒地拖行場場動作,不用一星期, BB已經瘦了五磅。

「打到好攰,根本冇胃口食嘢。雖然我唔係第一次吊威吔,但呢部戲好多動作,埋位前又要練習同試位,普通一個動作,都拍十幾 take,真係好辛苦。」吳千語說。

錫身的千語 BB肯做打女拍動作片,又要吊又要叫,咁辛苦唔怪得事後男友林峯要嚟東莞呵番佢。

打得辛苦,好在對手係啱晒嘴形嘅林德信,好玩搭夠。

22/8

套戲煞完科,吳千語已急急黐住男友林峯。上週五他倆在機場被傳媒發現又出埠。

東莞攞人

陰功豬,林峯肉赤死!

開工拍戲,千語 BB封口不提男友,但據了解,為呵番女友,在北京做完宣傳的林峯,日前已飛撲落東莞,接 BB返香港,親自呵番。

上週四(八月二十一日),千語 BB出席電影《王家欣》煞科宴,被問到會否同男友出埠時,接公司 order不再將戀事掛口邊的她,問極唔講,但翌日,便與林峯一同現身機場,出埠歎世界。

吳千語有林峯親到東莞呵番,唔知林德信女友松岡李那有冇嚟探班慰勞吓!

吊完威吔,千語 BB仲要瞓地拖行,真係前所未有咁搏!

公司下令要專心事業,減少拍拖,故吳千語早前一口氣接拍兩套電影,其中還包括同黃又南、劉美君合作的《王家欣》。

拍拖密過開工

「峯語戀」年多,因二人經常黐到實,拍拖見報率近乎成為他們的月事!

13年 5月 去美國

拍拖初期,吳千語陪住林峯去美國出席男友胞弟畢業禮,順便見家長,回港時峯峯拖到實。

13年 11月 行名店

出雙入對,只要林峯不用開工,一定拖埋女友去中環掃名店。

13年 12月

鍾意出埠拍拖的他們,被發現在日本狂掃貨。

14年 4月

做女友阿四的林峯,被發現幫吳千語攞住外賣辣蟹,同 Baby轉場玩。



鍾意就快D Share啦!