同你吟一吟
鄭伊健明抄古巨基
黎姿三代同堂敍天倫，其實同一晚，响電影《古惑仔》系列跟黎姿合作無間嘅鄭伊健，咁啱都喺附近開餐，不過浩南哥就同細細粒緣慳一面。
當晚伊健身邊有助手同髮型師，全男班，盛傳 24小時都要黐實老公嘅麵嫂蒙嘉慧，不在場。不過伊健都好識做，未夠九點，已經跳上車，撲返屋企交人。
早排伊健為電影《分手 100次》做謝票活動，俾其中一位女觀眾當眾訓話：「希望你俾到太太安全感。」觀眾有感而發，伊健事後力撐老婆對自己投信任票，最近又話打算同娜姐旦哥鄭丹瑞夾份開咖啡店，到時會嗌蒙嘉慧落場幫手打理。即係咁，新婚冇耐嘅古巨基開 cake shop，都係用打本俾老婆 Lorraine做生意一招，等另一半有嘢揸手增加安全感，伊健照辦煮碗，冇乜新意啫！
古巨基打本俾太太 Lorraine開餅店，伊健有樣學樣，又話要開間咖啡店俾蒙嘉慧打骰，講到尾，都係想俾另一半安全感。
|
鍾意就快D Share啦！
|
|
|