Chanel加 Celine，女人最愛，買完禮物俾女友， Edison企街歎支「散錢煙」。
同你吟一吟
陳冠希賣唱錢袋唔穩
一度自封「巡迴歌手」嘅陳奕迅，過去兩年，不斷巡迴演唱，腳毛遍布地球；同樣，近年密密走遍大江南北唱酒吧騷嘅陳冠希，剛剛做完昆明夜場，亮相 10分鐘，唱三首歌，聽聞咁就有 50萬落袋，不過就俾網民笑佢年紀大面部肌肉鬆晒， 33歲 Edison，個樣愈來愈似 56歲趙本山。
捱到殘都冇計！ Edison返大陸拍網劇被封殺，拍電影又搞到部戲响大陸出唔到批文，做酒吧巡迴搵到食，仲可以有錢買名牌。
上個禮拜四（八月二十一日）， Edison單拖現身中環，膊頭孭住兩大個 Chanel同 Celine紙袋，企街對住個垃圾桶「打邊爐」，見到《壹》仔影相，笑晒揮手冇喊打喊殺。平日衣著打扮主攻潮服， Edison呢兩袋戰利品，睇怕係將賣唱嘅血汗錢換名牌，氹佢個台灣女友阿 Ann開心。
星期日（二十四日） Edison喺昆明唱夜場騷，現身 10分鐘就袋 50萬走人，但有 fans覺得唔滿意，竟然話 Edsion個樣皺到似趙本山。
|
鍾意就快D Share啦！
|
|
|