網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月24日 星期五

幕後睇唔過眼爆 鄭嘉穎局陳嘉寶講性經驗 [忽然1周 - 1030] 陳嘉寶,鄭嘉穎,嘉穎,BKD_S,MW,



上周三( 15日),新劇《殭》大隊出發去荷蘭取景。陳嘉寶在機場對本刊承認鄭嘉穎當眾向她和其男友問有關「性」的話題:「好多人好好奇呢樣嘢!」

鄭嘉穎得知記者問完陳嘉寶後,反應甚大,甫到埗即向在場記者自揭事件,並再三強調自己尊重宗教。

滾熱辣

幕後睇唔過眼爆 鄭嘉穎局陳嘉寶講性經驗

鄭嘉穎憑《步步驚心》在內地走紅後,一連拍幾套大製作內地劇,最高叫價收每集 40萬人仔,今次回流拍大台劇《殭》,當然氣焰十足。有指他拍罷此劇後,便打算不再續約。

無後顧之憂的鄭嘉穎,自以為在大台可以「打橫行」。近日有幕後工作人員對鄭嘉穎霸道行為睇唔過眼,向本刊透露他如何對謝安琪玩杯葛,還爆他當眾問另一演員陳嘉寶( Anjaylia)及其男友有否婚前性行為和自瀆等敏感話題,因而令陳嘉寶及男友都尷尬非常。







人所共知,陳嘉寶及其男友黃頌祈是虔誠基督徒,拍拖一年多,一直堅守禁慾,怎料這竟引起嘉穎的好奇心。一名《殭》的幕後人員說:「有次拍完外景,嘉穎、 Anjay(陳嘉寶)同佢男友,仲有其他幾個人一齊去食消夜。有人提議去食拉麵,嘉穎坐低冇耐就當住成班人面前,語氣好倔咁問 Anjay同男友一啲關於性嘅嘢。佢哋後生仔女可能來不及反應,竟然驚驚青青咁答晒出嚟。見到咁,真係戥佢哋慘!」

該名幕後人員當時錄了音,事後再透露內容給記者知道。當晚對話內容如下﹕

鄭:喂,你哋係基督徒呀呵?咁你哋有冇性行為呀?

Anjay:冇……冇呀!

鄭(對 Anjay男友):咁你有冇打 X機呀?

男友: er… er…都有嘅…

Anjay:嗱,我冇幫佢㗎,佢話自己嚟㗎!

該幕後人員表示陳嘉寶即時顯得十分尷尬,各人見狀亦不敢發聲,全程只有鄭嘉穎一個識得笑,其間陳嘉寶還疑似飲泣。

陳嘉寶與金融才俊男友黃頌祈拍拖年多,早已見了雙方家長。由於兩人皆是基督徒,陳嘉寶坦言大家堅守色戒。《 FACE》圖片

劇組人員感情要好,經常收工後食消夜。早前謝安琪(左一)在微博上載與一班幕後食麵的照片。

過程示意圖

鄭嘉穎在拉麵店大哥上身,其間高談闊論,更向陳嘉寶和前來探班的陳男友黃頌祈問二人的性經驗。

陳嘉寶及其男友顯得尷尬,在場其他人十分同情兩人,全場鴉雀無聲,只有鄭嘉穎還笑口噬噬。

孖陳凱琳笑晒

鄭嘉穎在《殭》演員陣容內,算是最老資格,埋位前大合照梗會預埋佢。雖然他對住台前幕後都耍大牌,但有緋聞女友陳凱琳在場(前右二),鄭嘉穎自然笑晒!

人前避忌

出發荷蘭當日,鄭嘉穎在傳媒前與陳凱琳十分避忌。影合照期間亦刻意與陳保持距離。

同事關係 有可能構成性騷擾

梁永鏗律師指出,問及婚前性行為或自瀆等問題,絕對有可能構成性騷擾罪,但要視乎兩者關係,若兩者屬朋友關係,條例上未必可以入罪,因為被問者是沒有壓力下回答;但若雙方是同事、上司與下屬或司機與乘客的關係,在不能逃避及有威嚇情況下,便可以構成性騷擾罪。

陳嘉寶認有此事

上周三( 15日)《殭》一眾演員連同劇組人員前往荷蘭拍外景,陳嘉寶對於遭鄭嘉穎問及性問題直認不諱:「佢有問過!」不過身為新人的她就連忙幫「大台一哥」解畫﹕「其實好多人都會對基督徒呢方面嘅嘢好有興趣,對宗教有迷思,所以好多人都會問。咁佢(鄭嘉穎)嗰日問咗好多嘢嘅,始終我係女仔,咁我當時都冇在意去聽呢啲嘢囉。(咁你男友係咪答咗嘉穎好多問題?)佢應該係嘞!我諗佢可以解答到嘉穎嘅問題。至於段錄音如果聽到任何嘅『𠽌𠽌聲』(疑似喊聲),可能係我食緊拉麵嘅聲。」

嘉穎急切解畫

鄭嘉穎當日收到風後,甫到機場就向在場記者自爆事件,搬出「宗教」企圖解畫﹕「有一晚放飯同嘉寶去食拉麵,佢男朋友都在場。我哋係有提到婚前性行為嘅話題,咁我就多口問佢男朋友自己『點算』?其實段對話唔係唔見得光。雖然(我)唔係基督徒,不過小弟非常尊重每個人宗教信仰,唔好拎嚟做新聞,呢樣嘢可大可小!」據知當晚鄭嘉穎是以「打 X機」直問陳嘉寶男友,但解畫時就淡化為「點算」,他的語言技巧亦相當高。

謝安琪示好

拍攝初期,謝安琪曾上載自己手持鄭嘉穎閃卡的照片上微博,看來她都是鄭嘉穎小 fans。

三男玩杯葛

在香港拍攝期間,有指鄭嘉穎不滿與他有最多對手戲的謝安琪頻頻 NG,遂聯同黃又南和陸永等演員杯葛女方。

叫謝安琪唔使做

上周三( 15日),謝安琪對於鄭嘉穎拉埋黃又南、陸永等人杯葛她,雖然表示與鄭嘉穎有偈傾,但說:「杯葛呢啲唔成熟嘅嘢唔會發生喺我身上。」似乎意有所指。

除此之外,有指謝安琪( Kay)因為首次拍電視劇不熟走位及唸對白而經常 NG,令鄭嘉穎不滿,鄭因而不時針對她。

「有次阿 Kay同人傾偈,話遲啲等老公搵到多啲錢就考慮唔做,點知嘉穎行過語帶輕佻,話:『你咁樣做嘢,唔使做啦,返去湊仔罷』」幕後人員續爆料,指鄭嘉穎更拉攏陸永和黃又南等人一起杯葛謝安琪,每次放飯都沒有預她。據知謝安琪就此事向老公張繼聰提及,張繼聰便要求監製陳維冠出面調停,監製亦幫口叫鄭嘉穎收斂。

問到謝安琪和鄭嘉穎是否冇偈傾和被杯葛,她就回應:「都有傾嘅……不過我都唔係一個好多偈傾嘅人嚟,同埋我諗杯葛呢啲行為都相當唔成熟,應該唔會發生喺我身上。」如此看來,相信全劇主要女角,只有陳凱琳沒有被鄭嘉穎蝦過。

被寸演技差

有次謝安琪與工作人員傾偈,提到或將有機會淡出娛圈,鄭嘉穎行過即寸她,指她演技差,回家湊仔好過。

向老公訴苦

謝安琪曾向老公張繼聰訴苦遭杯葛,更要求老公陪自己去荷蘭,惟老公有工作在身未能同行。

老公呵番

事後謝安琪曾向老公張繼聰訴苦,張更跟監製提及過。

鄭嘉穎惡行事件簿

鄭嘉穎入行 22年,星途一直平步青雲,可惜走紅的他,反骨、嚚張、大牌,樣樣惡行做齊。

與恩師反目成仇

鄭嘉穎 16歲時已跟戴思聰學唱歌,由他提拔入行,結果 06年因為抽佣問題導致師徒反目。戴思聰表示曾照顧嘉穎的生活 4年,從沒有跟他計較,終身合約之所以曝光,是因為有人在傳媒面前扮可憐、炒作新聞。戴思聰去世後,被指反骨的鄭嘉穎更被其家屬拒入靈堂拜祭。

林子善爆大鑊

鄭嘉穎 10年孖林子善接受《今日 VIP》訪問時,被子善大爆小器兼臭檔,更重演被踢鞋羞辱一事,鄭嘉穎即場黑面兼以「完全唔記得」回應!

冼灝英公開指摘

嘉穎 12年拍《拳王》時態度囂張,與對手在擂台對打時,對方除了要捱打,還要被他用粗口問候,結果遭該劇武術顧問冼灝英公開批評,指嘉穎「格衰」,只顧鏡頭前 chok樣,鏡頭後性格太自我,不懂尊重別人。

鍾意就快D Share啦!