官恩娜危險大肚婆 [忽然1周 - 1030] 官恩娜,MW,

雖然只係 3個月，但係官恩娜已經開始見肚。

媽咪姐

官恩娜危險大肚婆

早幾日，媽咪姐去咗個投資活動，咁啱佢哋請咗佗 B三個月嘅官恩娜做嘉賓。

第一次佗仔，官恩娜同媽咪姐講開頭嗰段時間，好似坐咗 3個月過山車冇落過車嗰種感覺，後尾頂唔順睇醫生，「醫生話頭嗰 12、 13周係咁，之後就冇事。突然之間有日瞓醒又真係好番，依家就舒服晒，變番好似冇事咁。」不過一冇事，官恩娜就作反，不單着對 4吋高踭鞋出活動不特止，活動完後，疑似自己揸車走人，仲要車中自拍㖭。喂喂，雖然你喺張相度 hashtag咗「車是泊好的」，但話晒係大肚婆， BB緊要呀，咪咁玩

出席完活動後，官恩娜喺自己 ig post咗張相，睇番副太陽眼鏡的倒影，佢應該坐喺司機位。雖然佢話停咗車，但車中自拍成習慣嘅話，風險好大㗎。

女人都係貪靚，一舒服番就即刻着住 4吋高踭鞋出嚟見人，戥佢牙煙。

Ella想生女，老公 Domingo卻想生仔。不如一次過生對龍鳳胎，湊埋一個「好」字囉。

鍾意就快D Share啦！

下一篇 》