22/4向社工呻爆
周三（ 22日）傍晚，吳綺莉因為不滿校方在涉虐兒案件的處理方法，於是到女兒學校找校長交涉。等候校長時，她向社工大吐苦水。
滾熱辣
小龍女扭計唔返家 吳綺莉炮轟：學校搞分化
上月中吳綺莉涉虐兒，女兒卓林由社署安排暫住契媽家，兩母女分開 22日後終於和解，小龍女跟母親回家。以為吳綺莉母女已冰釋前嫌，豈料周三（ 22日）黃昏六時半，小龍女再次扭計不回家，吳綺莉到女兒就讀的沙田基督教國際學校了解事件，卻換來一肚火。
皆因校長要她等足兩小時，才肯與她對話，但兩人談不合攏，校長最終不肯安排她與卓林面談，更安排卓林在學校留宿。吳綺莉之前對學校不與她聯絡便報警已有微言，今次校方再收埋卓林，她更感無理，難怪她勞氣炮轟︰「學校唔應該搞分化。」
周三（ 22日）下午六時半左右，吳綺莉坐朋友座駕到達卓林位於沙田的學校，眼見學校已落大閘，吳綺莉即氣冲冲說：「個女冇返屋企，唔知乜事，要嚟睇吓。」談到與女兒關係，她則說：「我同個女冇嘢，但唔知點解……因為我頭先 WhatsApp咗老師，但老師唔理我囉。我好擔心，唔知使唔使報警。」
吳綺莉得知卓林放學沒回家，即致電校長了解，「校長冇覆我，我覺得好唔合理，唔知點解可以咁樣。」吳綺莉在學校門外再致電校長，接通傾了兩句後，校長便收線。最終，吳綺莉找到社工幫忙，在她陪同下進入學校。據知卓林避見吳綺莉，吳綺莉等了兩小時，校長才接見她，但兩人在停車場傾了數分鐘卻不歡而散。
晚上九時多，吳綺莉離開學校。據知她已和校方相約好下星期會面。至於卓林，差不多十一時才由校長陪同下離開學校。不過當校長見有傳媒追訪，即與卓林折返學校，卓林更在學校暫時留宿。
要求校方出信解釋
涉虐兒事件發生至今，吳綺莉一直不滿校方的處理方法。本刊記者其後致電吳綺莉時，她勞氣地說：「我係單親母親，校方應該幫我。佢哋報警後（指涉虐兒）就乜都唔理，我多次要求校方出信解釋，但佢哋又唔理，全部嘢我承受晒。佢哋又唔知同阿女講咗啲乜，搞到佢唔返屋企。佢（指卓林）依家係反叛期，校方應該幫我，唔應該搞分化。校長見咗我一陣就算，咁點解決問題先。學校係咪應該幫我哋，將我同個女拉番埋一齊，所謂家和萬事興，唔係依家咁。」
唔會控制個女見老竇
近日有周刊指成龍開口想見小龍女，卻遭吳綺莉阻止。對此傳聞吳綺莉感無奈：「我覺得好匪夷所思，小朋友（指卓林）情緒好 confuse（迷惑），我自己又立立亂，根本冇時間去理。我同佢（指卓林）都冇傾過呢件事，佢依家都唔知邊啲啱邊啲唔啱，我邊有得控制。阿女已經咁大個。其實，我哋都冇時間傾呢個問題，而且我唔會因為一個人（成龍）影響我生活，我都要返工。」
之前吳綺莉與女兒已經出現溝通問題，今次卓林唔肯回家，再次顯露出母女之間深層次問題仍未解決。
母女瓜葛事件簿
11/3涉虐兒被捕
卓林向學校報稱母親打她，校方報警。當日警方趁吳綺莉接女兒放學時將她拘捕，並在其位於大埔的寓所搜出少量懷疑是大麻的毒品。
12/3留院驗傷
吳綺莉下午保釋外出，卓林則到那打素醫院驗傷及留醫。翌日（ 13/3）吳綺莉接受本刊訪問，否認虐兒。
18/3搬契媽家暫住
卓林秘密出院，搬到契媽跑馬地寓所暫住。
21/3向母致歉
某周刊刊登了卓林寫給吳綺莉的道歉信。而吳綺莉亦接受數碼電台訪問，直言最想同囡囡講：「 Sorry，我係一個失敗嘅媽咪。」
1/4社工調解成功
吳綺莉在社署安排下，在學校與女兒破冰見面，兩人冰釋前嫌。
6/4母女團聚
卓林在晚上十一時，由吳綺莉陪同下搬回大埔寓所。兩日後復課，吳綺莉一如以往車女兒返學，卓林向本刊直認已同母親講「對唔住」，兩母女有講有笑。
22/4扭計唔返家
有周刊爆卓林想見成龍。無獨有偶，同日卓林放學後，又再次扭計唔返屋企，吳綺莉知道後即到學校了解。
爆鄧麗君情史
成龍自傳裏大爆跟已故舊愛鄧麗君分手是最正確的決定。不過這番言論辣㷫了鄧的家人。
想飛老婆
成龍又自爆，曾經打算求其找個理由，向林鳳嬌提出離婚，然後就可以回復自由。只是她多年來冇做錯事，令他沒有借口。
|
鍾意就快D Share啦！
|
|
|