陳小春衰咗 應采兒嫌阻碇 [忽然1周 - 1030] 小春,應采兒,陳小春,MW,

行得慢啲嘅小春，俾丁丁推佢快啲踎低。估唔到以前好有性格嘅小春，會咁聽老婆話。

媽咪姐

陳小春衰咗　應采兒嫌阻碇

喺《金像獎》發台瘟嘅陳小春，俾全城圍插後，前兩日去咗老婆應采兒（丁丁）監製嘅網劇開記招。點知介紹完自己今次演精神病患者角色之後，小春又俾丁丁嫌棄。喺台上影相嗰陣，丁丁似乎想公私分明，係都唔想同小春企埋一齊，仲推開老公兩次，叫佢咪阻住。查實現場仲有其他演員，企邊又有乜所謂吖！見到小春俾老婆食住，叫佢行東唔敢去西，只可以講以前嘅「山雞」，今日變咗雞仔咯！

其他影片：>>陳小春鬼食泥實錄！
>>衰口多　林家棟變林咩咩

準備影大合照，丁丁唔俾小春企佢隔籬，要佢踎去前排嘅指定位置。

小春行埋去想坐低，又俾老婆丁丁推開，話佢遮住個名（黃圈）喎！

丁丁推開老公陳小春，但見到謝天華就好主動，想攬住影相。不過俾謝天華睇穿咗，叫佢：「你唔好嗰啲呀！」

林家棟口不擇言

林家棟作為《金像獎》大會司儀，呢次真係捉蟲，先係主動搵表達能力唔高嘅陳小春做拍檔，攬炒！再嚟佢連憑《點對點》提名「新演員」嘅張雪芹都可以唔記得，嗌人做「張咩咩」，完全唔尊重演員，俾該片導演黃浩然點名鬧，完全正常吖！

對住兩個記性差嘅拍檔，真係難為楊千嬅囉！拎住貓紙都冇用呀。

惠州政協小春表現差，俾唔少網民怒插。不過小春唔介意，仲話係林家棟搵佢做司儀，應該預咗佢口窒。吓？咁你都係返大陸舉手罷

電影《點對點》監製、編劇兼導演黃浩然喺 fb發聲明，仲列出 4點反駁林家棟，但事隔 1日，佢就刪除咗呢段留言。唔通有壓力？

有睇開黃導演執導電影嘅網友，都留言撐導演，話林家棟睇唔起小製作。

鍾意就快D Share啦！

下一篇 》