舖頭嘅 sales姐姐着短袖 T恤，慧嫻姐姐就包到冚，好似啱啱喺雪櫃出嚟咁款，強烈對比呀！
媽咪姐
陳慧嫻有冇咁凍呀？
做藝人，為咗要有 gimmik，通常都會做一啲浮誇舉動或者用衣着嚟吸睛，陳慧嫻應該算係後者嗰隻囉！
日前，媽咪姐喺中環捕獲陳慧嫻，本來一頭金毛嘅佢已經好搶眼，但原來都唔及佢嗰身衣着搶眼，點解嘅？事關近日天氣已回春，行喺街都覺得又翳又焗兼悶熱，好多人都已經短袖衫出籠，但陳慧嫻就着到 6、 7度咁款，羽絨大衣、仲要加條大頸巾，真係睇見都熱！
媽咪姐初時以為佢唔舒服先着成咁誇啦，睇真啲，又唔似噃。見佢「巡舖」時都不知幾精神，呢間入去睇吓、嗰間又入去揀吓，不過見佢巡完一間又一間都冇收穫。睇嚟啲衫唔啱鍾意浮誇嘅陳慧嫻姐姐嘞！
|
鍾意就快D Share啦！
|
|
|