食埋呢啖先減！（設計對白）
原本兩個女仔都好節制，一杯雪糕兩份分，但最後都係抵擋唔到誘惑，超蓮買多杯「獨吞」。
同你吟一吟
超蓮瘟仔前破戒
同台灣歌手吳克羣拍拖嘅三房索女何超蓮，異地戀見面要擇日，但超蓮百般配合，上星期五（六月十二日），佢喺亞洲博覽館睇完 BIGBANG演唱會，就行過隔籬赤鱲角機場，搭夜機飛英國會男友。
明知要人肉速遞去英國瘟仔，但超蓮依然大開食戒，冇有怕。上個禮拜三（十日）人在香港嘅超蓮同朋友行街，喺時代廣場見到有雪糕賣，怕肥又唔願戒口嘅超蓮，即買！原本兩個女仔 share一杯 3.6牛奶雪糕，但因為啲小丸子同糯米糍太好味，超蓮食咗一啖之後即刻行返轉頭，自己獨立叫多杯，同行朋友亦加碼， order多幾粒小丸子。
超蓮早排先話自己上鏡肥咗，家陣雪糕當飯食，去到英國，分分鐘日日炸魚薯條，同大部分女人一樣，都係口不對心。
|
鍾意就快D Share啦！
|
|
|