咩話？同一個人嚟？係呀，仲係台灣天王「小豬」嘅緋聞女友添！整咗容又點喎！嗱，講吓條女咩料先，佢叫周揚青，係強國網絡紅人兼富二代，之前認過自己有整容，但估唔到係整到進化咗咁囉！
以前嘅佢，單眼皮又好有肉哋，長長嘅頭髮都遮唔住佢嘅包包面，如果佢係港人，應該俾人捉咗去參加「沒女大翻身」……
《壹》仔突然有啲滯……都係講返依家嘅佢，家底豐厚，所以鐘意點整就點整，眼、耳、口、鼻乜都執吓，整到有埋「小Angelababy」嘅「美譽」，連小豬都撐佢，話：「得到快樂和自信，那很好啊！」
講真，不但連鑑證科都認唔到，連阿媽都未必認得，豬扒都可以變女神！姊妹們，你話係咪「生命滿希望，前路由你創」先？
