| 發哥向美棋BB訴苦！ | next 1/1 pre |
 | |
| 有圖為證，發哥都愛搭巴士。 | next 1/1 pre |
 | |
| 捕獲發哥時原來有規舉，只能二揀一。 | next 1/1 pre |
 | |
| 發哥訴苦，美棋即時安撫。 | next 1/1 pre |
 | |
| 發哥笑言自己似通緝犯。 | next 1/1 pre |
 | |
| 發哥好搞笑，話唔得人！ | next 1/1 pre |
 | |
| 美棋童星出身，當然有唔少留念相。 | next 1/1 pre |
 | |
| 發哥叫苦連天？ | next 1/1 pre |
 | |
| 發哥話美棋見到面唔使打招呼。 | next 1/1 pre |
 | |
| 美棋BB想知發哥有冇搭巴士。 | next 1/1 pre |
 | |
| 發哥話搭巴士有好處。 | next 1/1 pre |
 | |
| 美棋回應發哥「人唔似人」言論。 | next 1/1 pre |
《東網巨星》App播出第24集《我愛發哥》，童星出身的黃美棋心郁郁想捕獲神級影帝周潤發，發哥聞言即非常感慨，喊晒口表示被捕獲的感覺如通緝犯，盡顯幽默！美棋BB即呵番發哥，笑指全因他太英俊！
美棋：點解我會咁鍾意發哥呢？因為佢夠親民，好多市民都見過佢，又野生捕獲到佢搭地鐵啦，或者九龍城買餸，我細個開始拍戲儲咗好多相，就係差發哥未儲到！到依家都未見過佢真人，其實我唔介意喺街度野生捕獲佢。
發哥：講開又講，我呢，又唔係人又唔係畜牲，變咗通緝犯，有鬚嗰啲呢，有個榜通緝，做咩搞成咁，我依家要蒙面，我好似參加咗恐怖組織咁，唔見得人，又好似塊面爛晒咁，唔知邊個搞呢單嘢出嚟，搞到我人唔似人，鬼唔似鬼，動物又唔似動物，禽獸又唔似禽獸，通緝犯又唔似通緝犯，叫苦連天，你唔好搵我喇！冇咩嘢你唔好搵我喇！見到我你行開，擰轉面走我都唔想做人喇！
打開袋個個「進貢」
美棋：大家成日都捕獲到發哥你搭地鐵（港鐵），但點解冇捕獲到你搭巴士呢？
發哥：有㗎！你摷番網啲相吖！你見到有個阿伯耷晒頭喺度瞓緊覺，嗰個就係周潤發嚟㗎！嗰時又肥腫難分呢！冇依家咁英俊呢！我成日搭巴士！慳水慳力，唔使行樓梯吖嘛！地鐵（港鐵）要行吓嘛！巴士點對點不知幾方便。
美棋：點解你成日去九龍城街市買餸嘅？因為我聽聞係特別貴喎！
發哥：你呢啲外人梗係貴我收晒陀地，好似收租咁，我打開個袋，個個揼嘢落去，咩都唔使錢，不過你唔好學喎！畀人斬死都未天光喎！
激讚型英帥靚正
得到發哥的搞笑回覆，令美棋BB笑爆嘴，但仍死心不息，繼續想捕獲發哥，她說：「發哥呀發哥，其實你係好多人嘅偶像嚟嘛！所以你搭巴士呢，你唔好覺得自己人唔似人，鬼唔似鬼，其實大家都好想見到你真面目呀！你依家咁靚仔！咁英俊！你講㗎嘛！咁呢，大家都想親近你多啲，想野生捕獲你吖嘛！」
向發哥致敬 捕獲發哥二揀一
「如果大家想捕獲發哥，就要知發哥嘅規矩，就係只可以簽名與自拍二選一，自拍就要發哥佢親自揸機，因為發哥話，死喺自己手上，好過死喺人地手上喎！記住喇！不過大家可以放心，發哥自拍水準絕對係Very Good呀！」
想睇發哥有幾搞笑？即刻Download《東網巨星》App
請緊記以下步驟：
1.打開《東網巨星》App首頁，點擊置頂欄目「視娛樂」。
2.於「東網電視」頁面選《我愛發哥》，已推出的《我愛發哥》將會全數顯示在頁面中。
《東網巨星》下載
iPhone版本
http://on.cc/enterapp/ios
Android版本
http://on.cc/enterapp/an
|
鍾意就快D Share啦！
|
|
|