網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月18日 星期四

BIGBANG玩住搶錢 [壹週刊 - 1319] BIGBANG,M1,



BIGBANG襲港舉行演唱會,一連三晚亞博坐滿人,不過 high爆程度不及 after party, T.O.P一手香檳一手影相,台下 fans仲開心過睇演唱會。

日韓到會

BIGBANG玩住搶錢

BIGBANG嚟香港開演唱會,一連三日喺亞洲博覽館演出。開三場咁多,飛一樣咁難撲,內部認購公開發售全部賣晒,黃牛飛仲高見萬一蚊一張,真係一票難求!

VIP( BIGBANG歌迷統稱)撲飛咁辛苦, BIGBANG五子都好識做,喺演唱會使出渾身解數,唱足兩個半鐘,開完騷仲要每晚都有節目,淨係 after party都玩咗兩晚,玩通頂之後一早搭飛機走人, BIGBANG今次香港之旅非常盡興!

四首新歌 炒熱氣氛

BIGBANG巡迴演唱會《 MADE》嚟到香港一站,今次開三場,三萬六千張飛被搶購一空,相隔三年再次齊人訪港,人氣一樣係咁厲害!《 MADE》巡迴 4月尾喺韓國開始,基本上每一站嘅 rundown都有唔同,因為 BIGBANG今次嘅新碟,每個月推出兩首新歌,有新歌梗係要唱咗先一開場 BIGBANG就以節奏強勁嘅新歌《 BANG BANG BANG》炒熱氣氛,唱片公司高層講過,呢隻歌就好似三年前嘅《 Fantastic Baby》一樣,中毒性極高,聽咗幾次已經被洗腦!另一首喺 6月推出嘅新歌《 We like 2 party》,就係完全唔同風格嘅輕快歌,係 BIGBANG少有嘅清新路線,加上舞步入面有打拍子嘅動作,輕易帶動全場一齊拍手,氣氛特別 high! BIGBANG帶埋韓國場嘅移動舞台嚟到香港,可以俾香港 VIP感受一下,幾位成員喺頭頂跳舞嘅感受,當然唔少得兩首喺 5月推出嘅新歌《 LOSER》同《 BAE BAE》,香港 VIP話睇晒三場都唔夠喉!

太陽早前承認同女演員閔孝琳拍拖, fans未有反感,反而大方祝福,難怪佢心情特別好,無著衫嘅時間比著衫多。

搖滾區設有兩個移動舞台,可以企喺佢哋褲浪下睇佢哋跳舞嘅機會唔係成日有,巡迴入面有一啲城市因為場地問題 set唔到,香港 VIP有福了。

餘興節目 繼續搵錢

其實連續三日又唱又跳兩個半鐘,體力消耗非常大,不過 BIGBANG五子難得嚟到香港,淨係開演唱會好似太唔符合經濟效益,梗係要善用時間做最多嘅嘢!首先每一日嘅演唱會完場之後, fans都可以去到後台位置接 BIGBANG放工,如果好彩嘅話仲可以近距離接觸,握手簽名送禮物。開騷之前又可以睇彩排,不過只係得非常幸運被抽中嘅 VIP先有得參加。不過,錢解決到嘅問題就唔係問題,完騷後 BIGBANG去嘅 after party,兩個都係由品牌贊助,消費或者購票就可以入場,其中一個索價$800,價錢高到可以睇演唱會,但因為 BIGBANG喺 party非常 high,更加有人野生捕獲成員玩自拍,真係幾貴都值得!唔好以為佢哋淨係識得玩,仲有一日完騷後去咗深水埗拍 MV,真係一秒都唔嘥!

喺演唱會買最貴嘅飛都未必可以咁近距離接觸 BIGBANG,可以拎起手機向住佢任影唔嬲,買飛去 party的真係開心。

隊長 G-Dragon同勝利係出名嘅 party常客,喺 after party玩得特別盡興, GD仲即場打碟助興。

第一場演唱會完結之後, BIGBANG亦都有出席另一個 party,不過遲到一個鐘,快閃兩分鐘俾傳媒影相之後就自己入房玩, fans完全埋唔到身。

鍾意就快D Share啦!