政改方案以8票贊成、28票反對遭否決。「有票，真係唔要？」係喎…是時候，重啟政改喇喎。香港人唔會袋住先0架。
之前話一票都不能少，點知投票結果真係少到不得：8票贊成，28票反對。臨表決前部份建制議員突然離場，經民聯立法會議員林健鋒話當時佢哋係想爭取約15分鐘時間，等待劉皇發趕回議會投支持票，點知……佢形容「好不幸」，指係「溝通出了問題」。葉劉淑儀更真情流露:「我哋唔係唔想投票，只係出咗一啲甩漏……」發叔就話：「我遲了，心入面好不舒服。」眼泛淚光……
8票，得8票。建制派用行動話俾大家知，有幾多人支持呢個袋住先政改方案。何韻詩就於fb，試圖用另一角度解釋點解得8票:「係咪即係其實建制派暗掗底都唔支持個方案，索性離場唔投票？」之後再寫道:「然後歷史留下大比數反對政改方案的表決紀錄。建制派果然用心良苦。」網民笑曰：「2017，終於唔得。」、「保皇擺發叔上台 Sosad」、「建制派綑綁式離場」。查實，何韻詩呢個「暗掗底」理由，都唔係冇理由0架……
黃秋生就直截了當話:「建制派夾埋一齊玩咗政府一鑊，連劉皇發都攞埋出嚟，死未！真係俾佢哋吹脹！」
之後建制派一齊出嚟見傳媒，各人表情非常精采。何韻詩特別留意發叔個樣，寫道:「發叔個樣表示：『關我咩事？』」相當精采的一場戲。
周博賢都話:「唉！Miss咗表決關鍵時刻！但竟然係28對8大比數否決？建制派㩒掣前集體離席？俾我噚日聯諗嗰個『調wiring』嘅劇本更荒謬！！！佢哋真正搞乜就唔知（真係x？反了？阿爺突然改order？內部權鬥有突變？），但係歷史上就留下紀錄，成為最少議員支持嘅政改方案，同埋唔好再將否決嘅責任推向泛民喇，你自己都唔夠人支持！洗咗咁x多維穩費，結果竟然係咁，超浪費！」
投票紀錄(立此存照)
28人反對：
何俊仁、涂謹申、劉慧卿、胡志偉、單仲偕、黃碧雲、湯家驊、梁家傑、毛孟靜、郭榮鏗、郭家麒、陳家洛、范國威、葉建源、莫乃光、梁繼昌、李卓人、何秀蘭、張國柱、張超雄、馮檢基、梁耀忠、梁國雄、陳偉業、陳志全、黃毓民、梁家騮、李國麟
8人贊成：
方剛、張宇人、田北俊、鍾國斌、易志明、陳婉嫻、林大輝、陳健波
33人不在席：
陳鑑林、劉皇發、譚耀宗、石禮謙、林健鋒、梁君彥、黃定光、李慧琼、陳克勤、黃國健、梁美芬、葉國謙、葉劉淑儀、謝偉俊、田北辰、吳亮星、何俊賢、姚思榮、馬逢國、陳恒鑌、梁志祥、麥美娟、郭偉强、張華峰、葛珮帆、廖長江、潘兆平、鄧家彪、蔣麗芸、盧偉國、鍾樹根、謝偉銓、王國興
無投票：曾鈺成
| 笑而不語 |  攝影：陳奕釗 |  求設計對白。 (攝影：朱永倫) |
 |  攝影:楊柏賢 |  攝影:楊柏賢 |
 |  健吾靚抽… |
|
鍾意就快D Share啦！
|
|
|