2015年7月17日 星期五

30歲靚媽Suki: 老公叫我條褲拉低啲.... Suki,徐淑敏,





其他影片:>>






30歲索爆靚媽﹑已為三女之母嘅徐淑敏(Suki)今日去到九龍塘澳洲國際學校,出席一個名為「史丹福游泳學校嬰幼兒游泳課程」啟動儀式,Suki身穿top及短褲,外披吊帶背心「泳衣」裝束,但佢冇穿三點式,大會安排一個九個月大小朋友畀佢抱住,示範點樣教游水,Suki抱住BB,又要幫佢轉身﹑兼顧及學習泳術安全,佢笑言「手都痠軟」,還好嗰位小朋友唔忌水,教得比較易,而Suki抱BB手勢相當熟練。

Suki接受訪問時表示:「自己今日要着泳衣,畀老公(黃浩)檢查一個圈,回想返之前喺公開場合着泳衣,都大約七年前,選美後着過內衣騷及泳衣騷,生BB後就冇再着泳衣,自己變得保守,呢個係我最大轉變。」係咪驚小朋友將來睇返唔係咁好?佢話:「唔係,純粹係自己唔習慣,平時家庭照OK,因為唔係對住公眾,但自己有時游水笠多件Tee喺面。」

問到老公今日知佢着泳衣咁點?佢話:「老公叫我條褲拉低啲,唔好見到咁多pat pat。(同小朋友游水着三點式?)其實小朋友都係着三點式,自己比較少。」Suki又爆被囡囡笑佢泳姿似隻青蛙,好得意好搞笑。

徐淑敏今日着泳衣教小朋友游水。 (攝影:陳慧安) 9年前徐淑敏參選港姐時嘅泳照,索﹗(資料圖片)
Suki表示着泳衣出活動時,畀老公黃浩檢查咗。 佢話教小朋友游水,手都痠軟。
教得有板有眼。
鍾意就快D Share啦!
Related Posts Plugin for WordPress, Blogger...