2015年7月17日 星期五

買生果籃提親 鄧健泓明年娶石詠莉 [忽然1周 - 1042] 石詠莉,鄧健泓,MW,



娛樂喧

買生果籃提親 鄧健泓明年娶石詠莉

鄧健泓的感情生活向來精采,女友一個接一個。當大家都認為他是無腳雀仔的時候,原來他正打算為真命女友停下來。

去年初鄧健泓與石詠莉合演舞台劇,公開情侶關係後打得更火熱,早前已經承認同居。據知兩人對結婚一事早有共識,鄧健泓打算明年便會迎娶女友。日前本刊更目擊他到九龍城細心挑選果籃,向未來外父外母提親。人生大事喎,當然不能馬虎。

今年 41歲的鄧健泓出道 18年,緋聞不斷,歷任女友皆為索女,包括原子鏸、李詩韻及龔嘉欣,卻甚少傳出婚訊。但自去年初他與石詠莉合作舞台劇《大酒店有個荷李活》撻着後,感情發展迅速,不時被影到出雙入對。

石詠莉曾是性感女子組合「 Freeze」成員,近年轉為個人發展後收起性感。最近又推出發燒碟,做歌手團火似乎仲未熄。

鄧健泓與石詠莉去年初合演舞台劇撻着,公開戀情後更愛得高調,不時被影到拖手行街。《蘋果日報》圖片

拍拖冇耐鄧健泓已帶石詠莉見家長兼食團年飯,他們異口同聲表示當正對方是結婚對象。圖片

單拖現身

上月 19日鄧健泓獨自駕車到九龍城街市,泊好車後拎齊銀包行入街市,動作快速,似乎好趕時間。

買貴價生果籃

這日是女友石詠莉的新專輯發布大日子,鄧健泓刻意揀呢日去探未來外父外母兼提親,還落足本,同生果檔老闆娘講到明要最好最靚的果籃,夠晒誠意。

自資搞製作

鄧健泓多年來事業不算順暢,年底更與大台滿約,不過他未有續約之意,反而決定自己開創事業。據知他與數名音樂好友合資,開音樂製作公司做老闆,公司第一擊就是自資 6位數字為女友出發燒碟。正所謂夫妻同心,其利斷金,上月 19日石詠莉的專輯推出不足一個月,火速打入 HMV唱碟排行榜及 IFPI香港唱片商會銷量榜,成為雙料亞軍。

不過鄧健泓似乎想喜上加喜,出碟當日,本刊發現他到九龍城街市購買生果籃,所送的生果亦經過精心挑選,全部日本進口,保守估計花了近千元。知情人士指:「 Patrick(鄧健泓)一直都視 Sukie(石詠莉)為結婚對象,佢嗰日去買果籃係探 Sukie父母兼提親。 Sukie都知道男友好錫佢,之前已經口頭應承咗嫁俾 Patrick,決定下年結婚。雖然 Sukie冇強求男友做啲咩,不過 Patrick明白結婚始終係女仔終身大事,唔馬虎得,所以佢都 plan緊正式求一次婚。」

孖住 sell碟

鄧健泓開製作公司發展自己的事業,第一炮是為女友圓出碟的夢想。上月 19日推出名為《聽聽 Sukie》發燒碟。鄧健泓不時陪女友到電台宣傳。

揼本拍 MV

廿四孝男友的鄧健泓不單自資為女友出碟,日前更不惜揼錢為女友拍攝〈如泣如訴〉 MV。

銷量僅次盧冠廷

《聽聽 Sukie》推出後即打入 HMV及 IFPI香港唱片商會銷量榜雙料亞軍,銷量拍得住兩周冠軍盧冠廷。

揼錢為女友出碟

為了冧女友,鄧健泓不單出錢出力,更以情打動。早前石詠莉到電台宣傳唱片,訪問現場忽然播出鄧健泓特別錄製的聲帶。內容雖是指女友蠢鈍,但會撐她一世,做她喜歡做的事,情深錄音令石詠莉當場感動到眼濕濕。知情人士指:「 Sukie近呢幾年主力都係做主持同拍戲,出過兩隻唱片,不過冇乜 noise, Patrick知道女友真係好鍾意唱歌,想大家留意佢嘅歌聲,所以明知做發燒碟一定貴,都大拿拿拎幾十萬出嚟。」

就求婚一事,本刊記者致電鄧健泓,他承認快將拉埋天窗:「拍咗拖咁耐,雙方家長梗係見過不過求婚好講 timing,所以唔會刻意去做!今次幫 Sukie出碟係為咗完成佢一個夢想,完咗呢個計劃,就到準備到下一個計劃!(即係準備結婚?)係呀!我年紀都唔細,一早視佢(石詠莉)為結婚對象,會喺呢兩年完成埋呢個計劃。」

陳總過目

07年鄧健泓重返大台深受陳志雲力捧,故一直視對方為恩師,今次鄧為女友製作的唱片,早已讓陳總率先試聽。

石:佢係好老公

男友承諾結婚,石詠莉又點睇?她回覆本刊記者時笑笑口說:「我哋一早有呢個計劃, Patrick係一個肯為朋友、身邊人付出,好有責任心嘅男人。佢見過我屋企人,爹哋媽咪都好滿意佢,佢絕對係一個嫁得過嘅好老公。」讚到男友天上有地下無,一顆恨嫁的心表露無遺,似乎距離鄧太之路不遠矣。

男女食神

鄧健泓多年來無寶不落,圈中索女友一個接一個,全都是合作拍劇擦出愛火,因此被宅男視為「高登公敵」,同時亦有「港姐殺手」之稱。不過其現任女友石詠莉都不相伯仲,入行 8年的她多年來亦不乏緋聞。

2000年原子鏸

鄧健泓 2000年起由兒童節目主持轉型拍劇,拍第一部劇集《男親女愛》時與 99年港姐亞軍原子鏸撻着,拍拖 4年後分手。

2004年李詩韻

有傳二人拍攝《老婆大人》撻着,但鄧健泓及李詩韻否認。 07年戀情浮面,更被拍到在西貢同居。不過戀情於 09年告終。

2010年龔嘉欣

與龔嘉欣拍攝《隔離七日情》傳出緋聞,龔坦承二人關係在發展中。至 12年尾女方突在微博上留言已分手。

2012年張嘉兒

與龔嘉欣分手不足一個月,鄧健泓被本刊影到駕車送張嘉兒離開自己寓所。有傳張是鄧健泓與龔嘉欣分手的第三者。

2008年李健中

出道一年的石詠莉被拍到與李彩華細佬李健中同遊沙灘而傳出緋聞,及後石詠莉因斷十字韌帶入院,出院時李健中亦到場護送,情侶關係明朗化。

2011年姜文杰

石詠莉與秦沛仔姜文杰拍拖,不過因姜文杰要在樂壇出道而暗交三年,石詠莉亦為男友收起性感轉型做創作歌手。

鍾意就快D Share啦!
Related Posts Plugin for WordPress, Blogger...