全城熱爆的娛樂八封新聞 & 時事趣聞 & 生活 + 趣聞
天氣熱到暈， Super Girls同美心妹妹雖然吹住「芭蕉扇」，但依然熱到面仔紅晒。陰功豬。
香港呢排天口㷫得交關，連魚都熱得死，何況係人？日前，美心妹妹楊鎧凝聯同 Super Girls出席活動，當日 33度天氣，真係熱到脷都伸埋。美心妹妹因為玩得高興，更係熱上加熱！雖然佢全程揸住把「芭蕉扇」兜口兜面咁吹，依然面紅耳熱，頭髮都濕晒。如果冇咗「芭蕉扇」，怕且中暑都似！
係喎，美心妹妹只得 6歲，已經咁怕熱，揸住把「扇」係咁吹，唔知屈穎妍睇到，會唔會又鬧佢人仔細細少少熱都唔受得，將來點做大事呢？
活動上面，美心妹妹升呢為「小師傅」，仲即場教 Super Girls製作玻璃蝴蝶。果然「後生可畏」呀！
其實成唔成才，唔係睇把扇嘅！你睇美心妹妹擺 pose幾專業。
32歲嘅「千億新抱」徐子淇喺 ig放咗張吹「芭蕉扇」嘅相，仲話係囡囡送嘅，唔知「屈才女」又點睇呢？
