全城熱爆的娛樂八封新聞 & 時事趣聞 & 生活 + 趣聞
架車過咗燈就跪低，睇又南落車個樣幾咁無奈。
前兩年，黃又南自爆幫家人還七百萬巨債，搞到「每個月得千幾蚊使」。依家債務搞掂，又埋咗大台得閒拍吓劇，仲同過氣港姐季軍劉佩玥打得火熱，事業愛情睇落都幾順吓。
嗱，又南依家叫做搵到錢，正常都要執吓啲行頭啦。不過捱慣嘅佢，架車揸咗 10幾年，壞咗數十次都仲未捨得換。呢日媽咪姐喺銅鑼灣就睇住又南架車行行吓死火，佢落車望咗兩眼，就皺晒眉將架車擺埋一邊，然後去車房搵救兵。查實架車用咗咁多年，又成日跪低，係時間退休啦。好彩呢次唔係載住劉佩玥，如果係就頭痕喇！
諗住自己動手搞搞佢，點知都係搞唔掂。
又南最後要去車房搵幫手，睇佢煲住煙仔等整車，除咗𢱑水吹，真係冇嘢可以做到。
港姐專車又南呢架戰車揸咗十幾年仲未捨得換，兩個月前就俾《忽周》撞到佢用呢架車接劉佩玥。
