插圖： Wendy
揞名爆
「七爺」接 job勁無品
當劉華 N年前已經講求「服務態度」嘅時候，有啲藝人係由開始到依家都咁無「質量保證」嘅。電視小生「七爺」就係其中一位俾人唱通街，話佢工作態度差嘅偽人嘞！
隨便舉個例吖，話說有次阿「七爺」為某公司周年晚宴做嘉賓，唱兩首歌，抽吓獎咁啦。咁呢位仁兄話晒被某些 C9、 OL追捧為男神（嗱，媽咪姐不在此列㗎！），佢喺台下等上台期間，梗有唔少公司員工想同佢影吓合照、集吓郵嘅。而按照「國際慣例」，其實絕大部分明星都唔會拒絕，大家都明白呢啲某程度上係工作嘅一部分。
不過，阿「七爺」噃！全晚搵助手隔開佢同其他人，生人勿近咁款。全程黑面嘅「七爺」仲話，如果想集佢郵，唔該每位放低$500先講喎！
嗯，真係難怪成日免費同市民瘋狂 selfie嘅發哥紅足咁多年嘅，「七爺」呢啲……好行夾唔送啦。
邊個係「七爺」？
1.成日扮浪子，女朋友就愈搵愈細。
2.經常鬧傳媒，話人哋抹黑佢喎。 Well，一定特登揀你嚟寫講完。
|
鍾意就快D Share啦！
|
|
|
