掃呢頁CODE去手機

2015年7月17日 星期五

齊昕拯救書展 [忽然1周 - 1042] 齊昕,梁齊昕,MW,



23歲嘅齊昕,着住卡通衫出現,好 pure呀!但對腳損晒,有落難公主 feel。

媽咪姐

齊昕拯救書展

7月書展,係香港一年一度嘅盛事,以前囉!無論係寫真界定一班才子才女都靜咗落嚟,令媽咪姐去行書展嘅熱情都凍鬼晒。

吖,但當我諗住 hea行嘅時候,阿特首女梁齊昕公主( Well,人哋嗌 689爹哋做 King㗎!)竟然為書展帶嚟九唔搭八嘅生氣!首先,佢明明化咗個 smoky eye全妝,但又全程堅持戴超,呢個行為已經非常詭異。跟住公主大人紆尊降貴去為周秀娜前男友 Avis(陳偉成)同另外 3位男模出嘅運動寫真集活動撐場。不過佢話自己死都唔做運動喎,「我平時淨係開 party,我 dancing咋喎!」嗯,表面上,齊昕 BB好似倒緊米,但實際上,跳舞都係運動吖!噢,媽咪姐好亂呀。

之不過,有一樣嘢,係好肯定嘅,就係梁公主真心堅 like大隻仔!喺宣傳活動嗰陣,明明睇落瞓唔醒嘅佢,一拍埋班壯男度影相,即時忍唔住伸手抽水。之後,佢仲將啲猛男集郵相 9秒 9放上網,「目標」指向前 A&F男模鍾志峯( Wilson)同娜姐舊愛 Avis呀。

齊昕公主認真識揀,媽咪姐喺度祝你快啲征服猛男,肌不可失呀!

伍姑娘都輸

一向豪放嘅伍詠薇,準時去撐男模,仲坐埋喺陳偉成身上。但齊昕一出,誰與爭鋒?

遲成個鐘

活動喺周三( 15日)中午 12點開始,但齊昕公主 1點先由成班保安圍住出現。注意,呢個時候佢冇戴超㗎!

目標 1

一到場,佢即刻戴超影相,仲失驚無神一手拍落前 A&F男模鍾志峯嘅腹肌度,笑晒話:「咦,有啲料到喎!」明顯勁冧肌男。

目標 2

娜姐舊愛陳偉成臨出活動先換衫,嘩!巧大隻呀!難怪有幸成為齊昕公主集郵目標之一。

齊昕撐完猛男,仲四圍去睇書,反轉咗會展!連黄之鋒都想同佢合照簽名,可惜慘食檸檬。少年,齊昕姐姐重口味㗎!《蘋果日報》圖片

又係嗰句,有圖有真相!喺 4個男模中,齊昕只係揀咗峯峯同成成放上 ig,仲好滿意自己嘅抽水表現㖭!

魔女互撐

今年羅霖以近半百之齡,力敵一班𡃁模寫真。呢日睇佢皮光肉滑,真係狀態大勇,連周三( 15日)都有去書展嘅大美人李嘉欣,都讚佢 keep得好!

羅霖話:「嘉欣係我好好朋友,佢仲靚仲瘦過我!」兩大美魔女惺惺相惜。《蘋果日報》圖片

搶靚袋呀!

陳嘉桓:呢個 size啱晒女仔出街用。

睇《忽周》真係好嘢停不了!今期買《忽然 1周×飲食男女× ME!》別注版($88),又有 tout a coup嘅 tote bag送嘞!媽咪姐仲率先攞上手摸過,發現質地真係夠紮實,顏色又易襯,無論行街買餸裝飯盒定放瑜伽衫都 very good呀!唔好等,快啲去各大報攤便利店搶多幾個送禮自用啦。

鍾意就快D Share啦!