2015年7月17日 星期五

搞喪禮拖續約 吳卓羲周四為亡父舉殯 [忽然1周 - 1042] 吳卓羲,MW,



端午節( 6月 20日),下午三時許吳卓羲一身黑衫,往紅磡會合家人後,到增福壽殯儀拜祭父親。

娛樂喧

搞喪禮拖續約 吳卓羲周四為亡父舉殯

不甘被貶做男配角的吳卓羲,今年放棄香港市場,轉攻內地掘人仔。早在上個月約滿大台的他,續約一事傾足半年,也未落筆簽約,皆因他心裏早有定案,決與大台 say bye!

上月中,吳卓羲爸爸因癌病不幸逝世,臨終前吳卓羲暫停內地所有工作,趕返港見父親最後一面。至今吳父已離世一個月,但孝子吳卓羲仍難掩喪父之痛,心情難過,所以隔日便到放置父親靈位的紅磡增福壽殯儀拜祭上香。

本周四( 16日),吳卓羲於萬國殯儀館舉辦喪禮,送亡父最後一程。

6月 12日,吳卓羲得悉父親病危,即從上海趕返港。 14日吳父在瑪嘉烈醫院彌留時,戴上 cap帽及口罩的吳卓羲一直默默陪伴着父親直到離世。當時吳卓羲雙眼又紅又腫,一臉哀傷。

今次父親的逝世對吳卓羲打擊甚大,連日來,吳卓羲與母親及家姐經常到紅磡增福壽殯儀拜祭亡父。「吳卓羲成日都嚟拜爸爸,每次嚟上完香,同爸爸傾幾句佢就坐埋一邊唔出聲,每次逗留十五分鐘就走。」知情者說。

6月 20日端午節下午三時許,一身黑衫的吳卓羲由司機送到紅磡增福壽殯儀,他會合母親、家姐及親友一齊拜祭亡父,逗留半小時便離開。一家人轉到黃埔左麟右李醫肚,席間吳卓羲沒有胃口,吃兩啖麵便停晒手發呆,坐了近一小時便與親友前後腳到停車場取車。

吳卓羲父親甚少露面,只有一次為吳卓羲家姐騎呢艷照事件現身作回應。

吳卓羲父親的靈位暫時擺放在增福壽殯儀公司中,吳卓羲隔天便會去拜祭一次。

喪父後的父親節

翌日,是吳卓羲痛失父親後首個父親節,下午三時許他如常出發到紅磡拜祭亡父。適逢當日亦是亡父的頭七,吳卓羲冒着狂風暴雨帶備三牲祭品、水果及吳父生前最愛的食物,與親友一行四人逐一為亡父上香。其後他發現有記者影相,即走出門外向記者說:「今日父親節,帶咗爸爸鍾意食嘅嘢嚟同上香,其他嘢就唔方便講。」說罷便匆匆離去。

吳父將於本周四( 16日)在萬國殯儀館設靈,吳卓羲會盡兒子的責任,為父親擔幡買水。據知吳卓羲找來尹揚明經營的添發殯儀為其父親處理身後事,靈堂上會有師傅為吳父打齋誦經,今次喪禮就花了廿萬。

吳卓羲(戴帽)與司機離去時,雙眼有點紅腫,而且神情有點憔悴。

當日拜祭完吳父,吳卓羲母親(左)與家姐(右)及親友,齊齊到黃埔醫肚,之後才與吳卓羲分道揚鑣。

續約機會微

因為喪父,吳的續約問題亦一拖再拖。雖然吳卓羲曾說:「意向當然係公司為首,冇公司就冇今日嘅吳卓羲。」但其實不少內地經理人向他招手,所以吳亦不急於考慮,實行吊高嚟賣。今年初,樂易玲先找吳卓羲續約,但傾足半年仍未有定案。之後曾勵珍插手,上月中助理總經理區偉林更親自搵吳卓羲傾,不過吳卓羲撞正白事在身,傾約因此暫時放埋一邊。據知吳現時拍內地劇成十萬人仔一集,大台最多加到三萬一集,近年他更由男一貶到男二,難怪對續約意興闌珊。

本刊致電吳卓羲,他說:「依家都七七八八(籌備喪禮)(心情平復未?)有事梗係會唔開心!爹哋都要處理咗先。(幾時復工?)冇幾耐㗎!搞掂都要做嘢(你好孝順!)一得閒就會嚟上炷香咁囉!都必須要嘅。」

吳卓羲與父親雖然不同住,不過感情要好,他說:「以前都會搵佢食飯,因為我經常唔喺香港,一得閒就陪吓屋企人。」至於續約一事,他說:「唔講呢啲住喇!知道我屋企出咗事,佢哋(大台)都冇催過我,呢啲遲啲先講」

昔日,吳卓羲(左二)會抽空跟父親(右)食飯,兩父子感情深厚。

在內地劇《幸福歸來》中吳卓羲擔正男主角,並與內地演員李沁發生感情。

本來吳卓羲在台慶劇《梟雄》中為男主角,可是最後卻淪為配角,在宣傳海報中只佔很小的位置。

娛圈孝子喪父

圈中不少孝子,在喪父時不但推掉手上工作,為亡父風光大葬,還會努力完成亡父的遺願,以報劬勞。

許志安 取消唱片宣傳

許志安與父親關係非常好, 2007年 10月父親逝世時,碰巧安仔出新碟,雖然新碟如期推出,但安仔取消了所有宣傳活動,而鄭秀文當時亦素服出席喪禮。

譚詠麟 足球放靈堂

譚詠麟的父親譚江柏為一代足球名將,素有「譚銅頭」之稱。他 2006年 3月逝世時,阿倫放一個足球在靈堂外,紀念父親的偉績。還製作了一本紀念冊,內有一篇阿倫寫給亡父的情深悼文,送給到場親友。

莫文蔚 押後個唱

莫文蔚的父親 2014年 1月因心臟病離世,當時她難忍喪父之痛,決定把巡迴演唱會押後舉行,更依照亡父的遺願,為他推出遺作《推背圖終極珍藏本》。

鍾意就快D Share啦!
Related Posts Plugin for WordPress, Blogger...