左起：鍾志峯（ Wilson）、黃俊豪（ Jeremy）、陳偉成（ Avis）同姚淇瀚（ Henry），四位猛男推出健身書，有樣又有 fit爆身材，由佢哋教做 gym最適合不過
真面目
肌得起 4肌男書展動起來 超蓮舊愛 Jeremy：佢身型都好靚！
書展本週三正式開鑼！今年例牌有大批模鬥剝，仲有半百美魔女羅霖加入戰場鬥榕姨，戰況巧激烈！
女子組鬥餐死，男子組亦唔輸蝕，好似娜姐前度陳偉成（ Avis）領軍嘅肌男兵團，成員包括有超蓮舊愛黃俊豪（ Jeremy）、鍾志峯（ Wilson）同姚淇瀚（ Henry），四位猛男合力推出健身書，騷肌示範最有效嘅操肌方法。問到會唔會叫超蓮買番本支持， Jeremy就話：「唔會叫佢買啦……佢身形都好 fit好靚！」
Jeremy 分手冇聯絡
自己係 model又係 fashion blogger、雜誌編輯，所以好注重自己身形。事前自己食得好清，無論瘦底定肥底，油鹽糖都要少！一星期會做 3-4日 gym，有時間會行山同打波。因為自己以前係肥仔， 12歲 190磅 36腰，靚過嘅人就唔想唔靚，所以會 check到自己好緊。好多人誤解飲水多會水腫，其實唔夠先會水腫，所以每日至少飲 2-3公升水，因為飲得多會沖走 sodium，咁樣就唔會水腫。今次有好多造型，好似有着住設計師何國鉦嘅衫，仲搵嚟一位色盲攝影師操刀，睇番啲相都好滿意！至於問到會唔會叫超蓮買番本支持， Jeremy就話：「唔一齊之後都冇聯絡！ event又好少見到！唔會 send書畀佢同叫佢買！佢身形都好 fit好靚！我哋都係靠自己！」
Avis 唔使裝假狗
自己成日都會做 gym，一星期做 3-4日，每次做 2-3個鐘，睇得多 C朗嘅關係，每日會做 1000下掌上壓同 1000下 sit-up，太攰就隔日做。自己以前都係肥仔，出嚟做嘢見到身形好 fit嘅人着衫又靚，自己肥就着咩都唔靚，所以決心減肥，瘦咗覺得唔使買名牌，就算着住底衫短褲都會好靚，身形變靚，自信心爭好遠！書入面都有着 under wear造型相，不過我哋真材實料唔需要做呢啲（裝假狗）！另外自己喺微博有畀人問過價，對方出價十萬食餐飯，仲話咩都唔使做，自己就唔會理佢，知道係咩一回事。
第一關揼錢
新書《 G.Y.M.動起來》由天機公關 CEO、有「天下第一關」之稱的鄭紹康（ Francis）出錢製作，紅出版負責出版，由 4位「肌」男親身教導最正宗最健康嘅健身方法，當中仲有 2位女藝人示範 partner training，頭炮計劃印 1萬本，要掃清唔難
|
鍾意就快D Share啦！
|
|
|