3年前靚佬湯亡命攀爬杜拜哈利法塔，今年拍《 MI5》玩爬飛機，直頭搏老命。
西區
愈老愈搏 靚佬湯拍《 MI5》水中閉氣 6分半玩命
近年主攻科幻及動作片的湯告魯斯，前年《攻．元 2077》救完地球，上年《異空戰士》打異形，今年再食老本，推出《職業特工隊 5：叛逆帝國》（ Mission Impossible 5： Rogue Nation）抗恐襲。
現年 53歲的靚佬湯，年紀愈大愈玩命，上集《 MI4》親身攀爬世界第一高樓杜拜哈利法塔，今集玩得更激，徒手捉實正在起飛的飛機翼，繼續打不死。拍攝一場水中執行任務場面時，更傳出靚佬湯 1 take過在水中閉氣 6分半鐘。正常人水中閉氣最長大約在 1至 2分半鐘不等，難怪有外國媒體形容靚佬湯「唔係人」
Q1.究竟靚佬湯拍《 MI5》有幾搏？
今集湯告魯斯飾演的 Ethan Hunt，將繼續深入虎穴，剷除策劃恐襲的主謀。 Ethan繼續玩命，其中一場講靚佬湯徒手跳入裝有 7萬加侖水的渦輪執行任務，而拍此場戲時靚佬湯堅持親身落水，還在水中閉氣足足 6分半鐘，起初工作人員都擔心他會窒息暈倒，但最後靚佬湯竟生生猛猛上水，還一 take過搞掂，令工作人員鬆一口氣。之後靚佬湯還認叻話：「我一直都好想拍一鏡到尾的水底閉氣場面，所以拍攝前我一直接受專人訓練。」
Q2.為保住靚佬樣，有傳阿湯在電影開拍前走去執靚？
都有名大家叫靚佬湯，所以靚樣對湯告魯斯來說是非常重要。現年已年屆 53歲的靚佬湯，有傳為令自己出鏡時更後生，所以在拍攝前，專程走去美容院做自體脂肪豐面手術，將脂肪注射在臉及嘴部，然後眼部去角質，再加拉皮及磨皮，做完之後整個人回晒春。據知全套服務盛惠 5萬美元（約 39萬港元），對靚佬湯來講，散紙罷了。
|
鍾意就快D Share啦！
|
|
|