網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月15日 星期三

眼睛去旅行 最想跟邊個主持環遊世界? [FACE - 425] MF,



全知言

眼睛去旅行 最想跟邊個主持環遊世界?

旅遊節目向來受歡迎,無機會去旅行嘅可以望梅止渴;準備去旅遊嘅又可以睇定有咩景點必去喎,難怪旅遊節目長做長有。

不過景點靚,但主持唔討好,都好難令觀眾投入到喎!最近大台播出由杜如風主持嘅《東京攻略》又成為熱話,始終杜如風嘅主持風格唔係人人受得住嘛。全知言今期就問吓大家最鍾意睇邊個做旅遊主持先!

衞詩雅•黃秋生可信程度高

網上圖片

如果俾我揀想睇邊個藝人做旅遊節目主持,我會想睇黃秋生老師。因為佢講嘢好直,其實好多旅遊節目,樣樣嘢都好好玩、好好食、好值得去,咁佢咁直,可能佢食完會話:「嘩,垃圾呀!」你會覺得,佢嘅可信程度好高囉,咁你就知嗰個地方仲值唔值得去喇!

泰臣•三個小生掂呀

旅遊節目呢家嘢,我最欣賞就係《三個小生去旅行》。我覺得三個小生,咁樣嘅組合真係掂呀!我好希望能夠有朝一日,我都能夠成為其中一個小生吖!

電視畫面

Kellyjackie•翠如 BB唔嬌嗲

我最鍾意嘅旅遊節目主持就係翠如 BB,因為我真係覺得佢好真,同埋佢唔會好嬌嗲,但係佢有好玩得、好真性情嘅表現,令我每一次睇佢做旅遊節目都好開心。

電視畫面

張敬軒• Do姐夠絕核

我最鍾意嘅旅遊節目主持梗係 Do姐因為 Do姐講嘢又夠絕核啦,同埋佢都係一個好有修養、知識好淵博嘅節目主持人,所以有佢帶路一定會買得開心、食得開心又玩得開心嘅!

網上圖片

蜥蜴仔•蔡瀾非常好睇

我最鍾意就係蔡瀾,因為我覺得蔡瀾嘅節目非常之好睇啦,同埋佢嘅故事帶俾我哋一個新嘅旅遊點,同埋新嘅美食點,希望大家都支持吓啦。

網上圖片

街坊:蔡瀾真啲囉

最喜愛旅遊節目主持人,如果喺市民心目中,大家又點揀好呢?對於家庭煮婦嚟講,一係靚女,一係嘢食,最易入屋㗎

黃婆婆

鄭裕玲都有睇,靚女出場就個個都鍾意睇佢㗎喇!

黃小姐

都係覺得蔡瀾。真啲囉,講嘢食都好吖!

鍾意就快D Share啦!