網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年7月1日 星期三

成功入圍「藝術救生員」 欖球男神企 5粒鐘日薪一萬 [FACE - 423 - 大專校園] MF,



徐灝晴 Hugo 聖士提反書院 F.6

身型 fit爆的 Hugo是校內男神,佢仲自爆之前幾次拍拖都係女仔主動追佢!

U花 U草

成功入圍「藝術救生員」 欖球男神企 5粒鐘日薪一萬

日薪萬元不是夢,當班 90後仲搵緊時薪 33蚊的售貨員暑期工, 19歲的徐灝晴( Hugo)喺海港城的「露天泳池」企 5個鐘就一萬蚊人工袋袋平安。

早前海港城為藝術展搞宣傳,以日薪一萬元作招徠,聘請八名青春無限嘅「藝術泳池救生員」,只做一日救生員男模。現讀聖士提反書院 F.6的 Hugo,成功在 400多位應徵者當中突圍,在 3D畫家創作的露天泳池內負責講解和保護藝術品,企 5個鐘的人工就夠玩成個暑假!

182cm的身高、腹肌人魚線樣樣齊,再加上陽光男孩的健康笑容,「女」殺手基本條件齊備。「其實係咁啱見到呢份筍工,就膽粗粗去試吓,面試要考兩文三語同口才,仲要識擺 pose行 catwalk,嚴謹程度同選港姐差唔多!之後先發現原來八名救生員當中個個都好猛料,有幾個係讀藝術、醫科、法律系學生,我真係好彩!」

咪睇 Hugo咁謙虛,其實他打了香港欖球代表隊六年,有「達陣王」嘅稱號,「我五歲開始打欖球,後來被港隊教練睇中叫我入港隊,去過好多地方比賽,不過最開心係我一手一腳搞起咗聖士提反隊欖球隊。我親自去搵啲有運動底子、跑得快又有啲身型嘅男同學入隊,加上我哋係寄宿學校,可以成日見,一有時間就傾戰術同一齊操體能,好好彩第一年就成功贏到學界冠軍,希望我畢業後欖球隊會一直有好成績」

之前做過 Hollister嘅 sales,不過 Hugo(紅圈)就話日日摺衫好悶,反而今次喺海港城做「救生員」,認識多咗藝術品仲有意思!

雖然 Hugo樣樣運動都掂,不過佢大學選科就揀咗商科,「我大部分時間都同運動有關,我想學多啲其他範疇嘅嘢充實自己!」

Hugo是現役港隊欖球成員,試過喺青少年亞運奪金牌,「欖球對我嚟講太重要,上到大學都會繼續打!」

聖士提反書院規定中一、中三、中五都要寄宿, Hugo亦非常喜歡寄宿的日子,「由朝到晚都見住啲同學,感情特別好!」

鍾意就快D Share啦!