麥明詩由第一次面試同𠵱家依然係大熱，上星期三（ 24日）喺康城站見到傳媒，表現大方，仲話：「 Ada係小學中學同學，大家互相支持。」
真面目
死敵 同十優麥明詩女拔鬥到港姐 「寸嘴 Ada」老竇撐女：波係圓嘅！
今年港姐特別精彩，開頭十優麥明詩憑住屈機學歷跑出，估唔到上週佢嘅同班同學龐卓欣「寸嘴 Ada」殺出，二人由女拔鬥到港姐。
麥明詩走清純、 Ada玩野性，三點式泳衣同男友咀嘴相網上任睇，私生活吸睛度勁過麥明詩。麥明詩有位副校長爸爸，「寸嘴 Ada」仲勁，老豆龐寶林係著名基金公司老闆，生意每秒幾千萬上落。上週龐父接受《 FACE》訪問，力撐自己個女唔寸嘴，仲話︰「可能大家未了解佢啫， Ada係優質潛力股，不過比賽好難講，波係圓嘅，有時第 10名都會輸俾第 20名㗎！」
今年港姐好睇過大台劇好多，先有女拔十優狀元兼劍橋法律系畢業生麥明詩，仲有後台十哥林棣權撐腰，以為佢會由頭帶到尾，誰知上星期殺出女拔同班同學「寸嘴 Ada」龐卓欣，單睇 Ada嘅 ig就知佢鬼妹仔性格，同男友 Solomon咀嘴濕濕碎， Ada大學喺 Manhattan School of Music就讀，當年更同美籍音樂人前男友爭狗，上埋當地新聞添！
「多謝大家畀個咁好嘅名佢！」
選美當然要鬥埋家底，麥明詩父親為聖公會林護紀念中學副校長，家住漾日居過千萬豪宅；而死敵「寸嘴 Ada」仲勁，家住市值 2700萬嘅君頤峰，住得咁豪全因有位富爸爸。龐父龐寶林係東驥基金管理有限公司老闆，生意億億聲上落，亦經常接受傳媒訪問。
上週六（ 27日），龐父接受《 FACE》訪問，仲用股票比喻愛女，他說︰「 Ada喺我心目中當然係優質潛力股，但比賽嘅嘢好睇狀態。波係圓嘅，有時第 10名都會輸俾第 20名㗎！贏輸唔重要，過程學到咩最緊要。（傳媒叫佢「寸嘴 Ada」?）多謝大家俾個咁好嘅名佢哈哈，可能𠵱家佢唔可以講太多，所以大家誤會咗，佢個人唔係咁㗎！大家俾啲時間佢（同麥明詩比較， Ada有無壓力？）我唔認識麥明詩，聽 Ada講過。我覺得一定有比較，呢啲好自然啫。即係好似股票咁，有啲係大家嘅焦點咁。」撐到出面，鬥老竇呢 part，一定係 Ada贏啦。
家住 2,700萬君頤峰
上週三（ 24日）龐卓欣出席完大台記者會，坐完接駁小巴，即一支箭標去打的，家住市值 2,700萬君頤峰，真係羡慕死人。
舊愛 Frank
有排鬥
就係因為麥明詩講過：「佢係小學、中學同學」，大家先留意到呢位死敵「寸嘴 Ada」龐卓欣，論學歷麥明詩稍勝，但龐卓欣喺曼克頓音樂學院畢業亦唔嘢少，一個老豆係副校長，一個係股神，真係要鬥到最後先知邊個贏。
|
鍾意就快D Share啦！
|
|
|