開創先河 [忽然1周 - 1045] MW,

忽然回顧

開創先河

當年市場部配合《忽周》的定位，與客戶合作，送出大量禮物，包括美容用品及家具。後來更開創先河，搞了不少開倉、送大禮及繽紛墟等活動。配合每期有分量的封面故事，《忽周》銷量節節上升，走出之前黑暗的日子，重拾讀者對它的信心。

當年報業界曾有一個傳說，只要《忽周》一出，大清早已被搶購一空，即使有一期的封面故事用上不是太有新聞性的呂方作狀打老虎迎新春，銷量也高達廿萬！有些讀者甚至要每星期向相熟報攤預留《忽周》才可買到。

當年有墟趁

當年的「忽然繽紛墟」每期有不同 coupon益讀者，你有冇剪過呢？

98年 1月，《忽周》於九展舉辦一連四日的「忽然繽紛墟之旅」，有算命有嘢送有筍貨買，仲有城城唱歌你聽㖭！

97年尾，呂方憑《真情》入面嘅「亞萊」一角彈出，成班 C9仔鍾意佢夠老實，即刻有好多 job做。《忽周》當然唔執輸，趁虎年叫呂方扮武松，那期狂賣 20萬本，一書難求！

破格之作

01年，《忽周》試過隨書附送一本集親子、愛情、玄學資訊於一身的小書。不過書名因同坊間某些刊物相近，所以一改再改。不過，當年幾位編採及美術同事，每期要完成近二百版稿件，做到半夜兩點先收工，真係挑戰人體極限！

撰文：尹光輝　

協力：娛樂組

鍾意就快D Share啦！

下一篇 》