全城熱爆的娛樂八封新聞 & 時事趣聞 & 生活 + 趣聞
28歲嘅美雪艾莉絲出道 5年，因為擁有 E cup火辣身材，喺 AV界算薄有名氣。
石川戀識得乘時而起，但亦有人話要引退喎﹗講嘅係同「 V6」成員森田剛傳拍拖嘅 AV女優美雪艾莉絲。 28歲、擁有 E cup嘅佢，日前突然喺自己個微博度話會喺 12月退出 AV界。消息一出，網友就推測佢係咪同森田剛結婚？話說美雪艾莉絲同森田剛兩個傳咗拍拖兩年，舊年 10月曾傳出過佢哋分手，不過有人見到森田剛仍然喺美雪屋企出入，話佢哋根本冇分手。依家美雪仲自爆遲吓唔撈，所以懷疑佢同森田剛終於修成正果，生 B上岸。不過，唔知森田剛過唔過到經理人尊尼事務所呢關呢？
兩年前森田剛同美雪艾莉絲（右）傳出緋聞時，美雪慘被粉絲鬧爆，真係淒涼。
唔講唔知， 36歲嘅森田剛係溝女高手嚟㗎，佢嘅前女友係現已為人妻嘅上戶彩呀！
