網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月7日 星期五

李洪基 free style開騷飲勝 [忽然1周 - 1045] 李洪基,MW,



每次嚟香港,李洪基總會同粉絲約定開騷時間,俾壓力公司,今次又預約明年 1月。講到尾,佢都係想趁開騷嚟掃減價貨。

媽咪姐

李洪基 free style開騷飲勝

李洪基之前自認好鍾意喺香港 shopping,每隔半年必定嚟一次,事關大減價好抵買,佢真係冇呃粉絲㗎!上周六( 1日)佢嗰隊 FTIsland又嚟開騷喇,李洪基仲話特別加咗兩首歌益香港 fans,又轉埋新髮型,等大家有新鮮感咁話。







但係咁,呢晚李洪基身為樂隊主音,真係夠晒 free style!明明歌與歌之間冇 break,佢唱完一首,無啦啦叫埋翻譯上台,仲口水多過茶,踢爆隊友崔鍾訓勤學英文,好似因為識咗位外國女友,搞到鍾訓口窒窒,表情好尷尬。轉頭李洪基又坐喺台邊對住粉絲唱歌,但睇清楚啲,佢拎住罐青島囉。呢罐都未飲晒,佢又走去會場中間嘅小舞台,今次擺明隊酒,一早放咗 5隻酒杯同香檳上台。李生仲話:「我飲慣燒酒,唔係好識開呢支!」開酒重責就交俾隊友,佢就等酒飲。開騷可以咁輕鬆,睇嚟得佢係咁囉。

飲酒做騷呢家嘢,通常只會出現喺歐美歌手身上。李洪基雖然係韓星,但佢冇話要顧形象,仲話想個氣氛好啲喎!

去咗酒吧?

有圖有真相,李洪基拎住罐 500毫升嘅啤酒。佢真係好飲得㗎!

FTIsland喺 5月先跟公司嚟開 FNC家族騷,唔夠 3個月又嚟過。但佢哋啲粉絲又唔介意睇完又睇喎!

出手冧 fans

鍾訓俾李洪基爆有外籍女友,為挽回粉絲嘅心,連環出招,當然「心心」手係最 work。

李在真成晚企埋一邊彈 bass,冇乜機會發圍,等到臨完場,終於出手擺「心心」手勢冧粉絲。

性感女團 Tahiti都嚟呀!

呢個 8月繼續勁多韓星嚟香港,宋在臨、徐仁國、 EXO、 SJ強仁同 BTS陸續殺到。呢個周六( 8日), 5人性感女團 Tahiti都話要同香港粉絲嚟個埋身接觸喎!

鍾意就快D Share啦!