犯眾憎賴宣傳人員冇交帶 G.E.M.炒人卸責
鄧紫棋（G.E.M.）和她的經理人張丹曾經公開指摘香港傳媒稱她不合作、遲大到、講大話，腰斬香港傳媒的訪問！兩個月前G.E.M.到灣仔會展舉行音樂會，完騷後更未有接受任何訪問就離去，與傳媒關係持續僵持。前晚G.E.M.跟緋聞男友馮允謙欣賞方大同個唱時，竟停低受訪自爆公司重整，指有人沒手尾和沒交帶，使得過去發生很多誤會，換言之，不做訪問和遲到都不關她的事，是其他人的事，將責任推得一乾二淨。
鄧紫棋自去年參加《我是歌手2》成名後，事業一帆風順，卻恃寵生驕，不少報道都指她要求多多扮大牌自抬身價，加上經理人張丹態度差，不懂得跟傳媒溝通，負面新聞接踵而至。一直借故拒絕香港傳媒訪問的G.E.M.，前晚到灣仔欣賞方大同演唱會時，卻罕有接受香港傳媒訪問，又主動解釋6月時新城音樂會後未有受訪原因，她說：「新城個演唱會唔做訪問唔係我決定㗎，嗰陣我有問過點解唔做訪問，佢哋話已經安排好晒，我問嗰陣係個騷嘅前一日。我已經同公司講要重整公司嘅人員，𠵱家已經重整咗，有個新女仔返工，我覺得所有嘢details好多。」據知G.E.M.所指的新員工之前任職化妝品牌Maybelline公關。
■G.E.M.前晚現身方大同演唱會，在沒有經理人和助理陪同下主動受訪及表示公司人手重整。
【打孖責港媒】
■G.E.M.自《我是歌手2》後爆紅卻接連出了不少是非，包括拒絕傳媒訪問、遲大到、堅持唱自己歌被飛出節目等，都與宣傳人員不負責任扯不上關係。
【派曲奇遲到】
自薦新員工
G.E.M.又相信是其他人出現問題，有問題的亦已經「被失蹤」，她說：「有一啲比較有問題嘅工作人員，𠵱家已經唔喺我哋公司喇。」究竟「被失蹤」的人有甚麼問題？G.E.M.說：「我聽番好似係唔聽電話，冇交帶呀。」炒人之後，G.E.M.覺得可以重新出發，她說：「其實我已經ready好要做訪問，我覺得要面對面。」是否想跟香港傳媒重修關係？她說：「我覺得最重要係彼此尊重，我都想身邊嘅人同我合作係會開心嘅。咁多誤會，我覺得只要我哋嗰邊可避免任何嘢發生，咁就最好啦，咁𠵱家新嚟個女仔係我介紹畀公司，佢係一個好開心嘅人。」
【堅持唱新歌】
【鬆人拒訪問】
■6月時G.E.M.演出新城音樂會，騷後沒做訪問便離開。
學特首口吻
最後G.E.M.用梁振英最愛的雙重否定語式，回應記者以後會否不接受訪問，她說：「應該都唔會，我可控制嘅情況下係唔會。」G.E.M.唱片公司發言人昨日則表示任何一間公司在不同階段，有人加入，也有人另覓新方向，新的開始是希望保持一個互相尊重的良好溝通。
G.E.M.用炒人一招卸責，高登瓊姐和網友對此有微言，瓊姐昨在facebook留言：「個社會有咁多問題？咪換咗個民政事務局長佢囉，咪換咗個公務員事務局長佢囉。佢唔會諗吓社會核心出現咗乜問題，然後先對症下藥囉。」也有網民說：「為咗唔好俾人話自己錯，第一步就先下手為強，話咗人錯先。」此外，G.E.M.和Avril Lavigne及Demi Lovato為卡通音樂電影《史力加》配音，她聲演睡公主。
採訪：盧妹
攝影：沈健程
■G.E.M.（右）和緋聞男友馮允謙之前一齊行街，前晚一齊睇騷。
■方大同演唱會邀請了茜拉做嘉賓。
|
鍾意就快D Share啦！
|
|
|