落晒型！艾威肚腩都細埋 [壹週刊 - 1336] 艾威,M1,

去年十月，威嫂願意動刀割走子宮巨瘤，之後因為肝腎出事要再做手術，一年下來，艾威落晒型。

同你吟一吟

落晒型！艾威肚腩都細埋

賢妻良母，為咗屋企人，十個十個日日都要去街市，斷唔會一日買埋幾日餸，唔係貪過癮，而係鍾意夠新鮮，更何況，家有病妻嘅艾威。

老婆割走子宮巨瘤，跟住肝腎發大，前後做咗三次手術，散盡家財但執番條命，為咗照顧仲食住中藥嘅威嫂，艾威同其他 C9一樣，日日去街市報到。

早個禮拜，《壹》仔見到艾威喺九龍城街市買餸，今次唔係一個人，威嫂做司機，不過佢冇落車，艾威買完一轉放上車又再去買第二轉。

打從舊年十月，老婆做手術到而家，一年來艾威撲來撲去，成個瘦晒，肚腩都細埋。

買餸煮飯煲湯，仲有生果，艾威買完放上車，仲好小心咁搵地方安置好袋豆腐，免得整爛。

是日威嫂精神好咗啲，做司機陪老公買餸。

撰文：八珍

nextplus.nextmedia.com

鍾意就快D Share啦！

下一篇 》