熱爆娛樂: 扮未足月　 Jessica C.五個月肚　安志杰拒婚 [壹週刊

2015年10月15日星期四

扮未足月　 Jessica C.五個月肚　安志杰拒婚 [壹週刊 - 1336] 安志杰,Jessica,Jessica C,M1,

Jessica C.得天獨厚，佗 B身形保持纖瘦，但五個月肚現晒仲扮未足月，相當勉強。

探熱針

扮未足月　 Jessica C.五個月肚　安志杰拒婚

上週五（十月九日）， Jessica C.同安志杰情侶檔出席活動，肚凸凸的她堅持不認有咗，除了因安志杰暫時無結婚計劃外，二人認為有 B是私人事，故未曾向公司交代；直至接 job出騷，才臨時通報喜訊，明知未來老豆不擅辭令，為怕講多錯多，五個月肚的 JC索性扮未足月，封口大條道理。

無結婚打算

今年七月中， Jessica C.到橫店拍國產劇《怒海紅塵》，開工個多月，始發現自己原來有咗，安志杰一拍完新片《潛龍狙擊》後，立即交人到橫店，做跟得男友陪開工。

據安志杰身邊朋友透露，雖然同女友感情穩定，但準老豆其實不曾考慮過結婚，如今二人世界變三人，安志杰初步已同 Jessica C.商量好，等 BB出世後，再作結婚打算。

「 Andy（安志杰）係鬼仔，覺得兩個人一齊開心就 OK，亦冇 plan過任何長遠計劃， Jessica本身亦係鬼妹，加上佢一向都好聽 Andy講，所以就算 Andy話生完 BB後再打算，都唔會影響大家感情。」安志杰身邊人說。

粗身大細， Jessica C.負責拎紙巾，其餘由安志杰一手包辦。

在橫店拍劇期間， Jessica C.曾回港探安志杰班，當時她已懷有身孕。

鬼仔鬼妹性格不拘小節，就算在片場，一樣旁若無人。

大汗疊細汗

據了解，由於安志杰認為有 B是兩個人的事，故一直未有同自己公司報備，直至接到要情侶檔出席醫學美容活動，女友肚皮收唔埋，才將 Jessica C.佗 B一事，通知公司。

「 Andy唔識講嘢，亦唔鍾意講私事，俾記者問多兩句，佢好易講錯嘢，尤其係佢未有結婚計劃，隨時俾人話賤男。」知情者說。

事出突然！經過商討，大家決定安排 Jessica C.扮未足月，避開正面承認有餡，從長計議。雖然準媽咪唔介意公告天下，但為了配合男友，亦無異議。

上週五（十月九日），兩人十指緊扣出席活動，安志杰緊張到大汗疊細汗，記者上前祝賀，男方即詐傻。「恭喜我？我知喇，因為我啱啱拍完三個月戲，依家可以休息？」再三追問他是否怕小氣，不認有喜的安志杰直說：「係！而家唔講得住！」

兩人十指緊扣行去超級市場入貨。

女友有咗，更加要小心飲食，買嘢煮飯仔，大多以新鮮為主。

超級市場內卿卿我我，安志杰一手將 Jessica C.攬入懷中，甜到漏。

唔俾拎重嘢

翌日（十日）下午三時，戴住黑超、似啱啱瞓醒的安志杰，拖住女友落街，到附近的超級市場入貨，兩人沿途有講有笑，好 sweet！

在超級市場內，安志杰攞起任何嘢，都會先問問大肚女友意見，二人上糧半小時，之後返歸玩煮飯仔。回程上，所有重嘢由安志杰包辦，只幫手攞住盒裝紙巾的 Jessica C.，薄短裙下，五個月肚無所遁形。