根據內地《法制晚報》前晚報道，Angelababy(楊穎)因為多年受「被整容」案件困擾，所以北京市朝陽區人民法院主審法官同律師，近日多次建議Baby喺公證員監督下，接受「權威醫療機構」對其面部進行全面檢查同鑑定，並將相關報告作為「維權證據」。消息曝光後，唔少內地網民都話法院多事，但Baby呢，佢透過公司回應表示，佢願意接受鑑定(新聞連結：http://bit.ly/1NIdF9Q)。
Baby今早以一身黑衣造型，按北京市朝陽區人民法院主審法官及代理律師嘅建議，赴中國醫學科學院整形外科醫院，在內地傳媒及公證員見證下，該醫院院長鑑定Baby嘅額頭、雙眼皮、嘴唇、下巴、蘋果肌、鼻樑、眼睛及耳朵嘅部有冇做過手術，其後進行頭部掃描，為Baby面部進行全面檢查及鑑定，預計三粒鐘後便知道結果。Angelababy似乎誓必要打破多年圍繞身邊嘅「整容」流傳。
事件緣自2012年3月，瑞麗公司在其官網中發佈標題為《Angelababy整形失敗 網友稱下巴極不自然》的文章，並將Baby張相當配圖。今年5月，Baby告至法院，指瑞麗該行為侵犯其肖像權同名譽權，一審法院判決Baby勝訴，瑞麗上訴。
Baby上年10月已經同北京市朝陽區法院，控告整形醫院揑造佢曾整容，要求對方道歉並賠償50萬元。當時Baby代表律師指，Baby願意喺法院及公證人員公證下，到法院指定醫療機構進行檢查，證明除牙齒矯正外，下顎及身體其他部位，從未接受過任何整容手術。估唔到Baby忙完搞婚事，即「找數」!
|
鍾意就快D Share啦！
|
|
|