| 千鈞一髮之際，印傭攬實疑犯，大喊嫲嫲快啲走！(林兆崙/梁卓明攝) | next 1/1 pre |
 | |
| 陳婆婆示範疑兇如何用斧頭施襲。(王譯揚攝) | next 1/1 pre |
 | |
| 婆婆單位牆身沾有血漬，地下有染血刀片。(何力棋攝) | next 1/1 pre |
 | |
| 婆婆親友清理血漬。(何力棋攝) | next 1/1 pre |
九華徑新村斬人案，其中一名傷者為84歲女村民陳玉梅，她遭76歲姓湯老翁襲擊致額頭受傷，她送院接受敷治後已經出院。陳婆婆憶述事件時仍猶有餘悸，表示事發時疑犯持斧頭走去家門，並不斷用斧頭劈門，「直頭有個凹痕!」結果鐵閘被劈爛成功入屋。印傭嘉嘉驚聞異響，遂走出客廳查看，赫見疑犯手持斧頭及鎅刀，全身披血，大驚下忙問：「咩事呀？」此時疑犯大嗌：「唔關你事，你行開！」繼而將嘉嘉推開，「佢逐間房裝裝下，應該係搵我。」
嘉嘉見形勢不妙，立即衝入睡房，通知正在睡覺的陳婆婆，並着她立即報警，「我揸住個電話撳撳下，都唔知撳咗咩，太驚！」當湯找到兩人時，陳婆婆立即問：「咩事呀湯生？」對方未有回應更目露兇光，突然取出斧頭便向其劈去。陳與嘉嘉立即匿藏睡房，並以身體頂緊睡房玻璃門與疑犯角力，不過對方卻用斧頭猛劈玻璃門四五刀，結果將門劈爛，玻璃碎片濺出割傷嘉嘉和疑犯的手臂，此時疑犯手持斧頭，伸入玻璃門裂縫用斧頭柄「鐅」向陳的額頭，立即出現「L」字型的傷口，即時血流如注。
此時嘉嘉以身護主，攬緊疑犯不放，繼而踢向其下體，又以手將疑犯推跌梳化上，用力壓緊其斧頭，並不斷大叫：「嫲嫲快啲走!快啲打電話報警！」陳乘亂逃出房間，驚惶下只知慌忙逃命，趕不及報警，幸嘉嘉事後安然逃出。主僕二人逃至村公所，欲向相熟職員求助，始知女書記被斬傷。
陳婆婆額頭受傷，需縫七針，慶幸主僕二人並無大礙。嘉嘉對未能保護陳深感內疚，曾哭說：「嫲嫲!對唔住呀!我保護唔到你!」陳婆婆則直言，嘉嘉替他們一家打工僅年多，幸今次得其捨身相救，「如果唔係佢擋住我死咗佢係救命恩人嚟，會封番封大利是畀佢!」
|
鍾意就快D Share啦！
|
|
|
