| 基仔提起Lorraine炒單車出意外時，兩人輪住喊！ | next 1/1 pre |
 | |
| 一對新人先合巹交杯！ | next 1/1 pre |
 | |
| 之後又與眾不同唱出愛的宣言！ | next 1/1 pre |
 | |
| 當基仔講番點解會想結婚時已經想喊！ | next 1/1 pre |
 | |
| 而老婆就快人一步感動擰轉身喊！ | next 1/1 pre |
 | |
| 基仔就話有次見到老婆踩單車出意外爆頭盔，即時去醫院縫針，所以令佢萌生念頭想結婚！ | next 1/1 pre |
 | |
| Lorraine見到基仔個喊樣都忍唔住笑！ | next 1/1 pre |
 | |
| 真係又開心又感動！ | next 1/1 pre |
 | |
| 基仔喊完後笑話要補妝先喇！ | next 1/1 pre |
 | |
| 切蛋糕儀式！ | next 1/1 pre |
 | |
| 望住老婆個樣冧到呢！ | next 1/1 pre |
 | |
| 古生古太恭喜晒！ | next 1/1 pre |
 | |
| 劉翔（左）、基仔，一對…好兄弟！ | next 1/1 pre |
 | |
| 森美今日做兄弟又做司儀！ | next 1/1 pre |
歌手古巨基與古太Lorraine在四季酒店舉行酒會設宴款待親友，婚宴場內布置以白色為主，配搭十多盞華麗白色吊燈，襯上白色鮮花，猶如置身童話故事裏一樣。而婚宴最高潮莫過於一對新人在台上合巹交杯，全場人舉機拍下這個神聖一刻。
基仔出手頂酒
一對新人先四目交投互電傳情，基仔再化身為「霸氣新郎」舉杯豪飲，不過期間不小心「濁親」失威，即被司儀森美取笑：「嘩，新郎哥飲得咁快嘅，哈哈！」至於新娘Lorraine則保持儀態「慢慢嗒」，最後飲剩大半杯酒，她向基仔投以求救眼神，愛妻號基仔二話不說「甘苦與共」出手幫老婆頂酒，果然是「醉」佳好老公！森美續說：「好浪漫嘅舉動，即係代表將來有咩事，都由新郎去承擔。」
古巨基劉翔「結婚」
基仔在台上大爆古太Lorraine搞笑一面，笑指她因太怕醜而拒見傳媒，最後好像基仔與兄弟劉翔結婚一樣，司儀森美笑說：「大家唔好笑呀，係講真㗎，大家下晝見到最靚張相，係古巨基拖住劉翔，畀啲掌聲劉翔！」
暗示未婚同居
新郎基仔又準備了自創歌《我與你》送給太太，基仔向太太說：「佢成日提我出場前要吸吓（面）油，有次黑暗中嘅演唱會，佢出場前叫我印油，唔通黑暗中仲見到我滿面油咩，今晚你唔好做呢啲嘢，你要做我嘅女主角。」語畢即上前拖實太太。其後基仔再向新娘發表愛的宣言：「我哋私底下都其實有段日子，唔係一個秘密啦，其實我哋住埋一齊都有段日子，我哋兩個都一路覺得唔使簽紙，覺得兩個人一齊生活都已經幾好，一張紙唔代表啲咩。」
飲泣講老婆炒單車意外
說到這裏，基仔已經開始忍不住哽咽，再大爆因古太的炒單車意外而萌生結婚念頭：「有日有件事，有一刻，令我覺得我一定要同Lorraine結婚，前一段時間，我同一班朋友喺大埔踩單車，大家踩速度唔同，有人快啲，有人慢啲，我就梗係要傍住古太啦，佢踩得好『渣』，擺吓擺吓，踩踩吓佢突然發生咗意外，成架單車向前炒，我喺後面睇到好驚，因為佢向前樁，頭落地，連頭盔都裂埋，好嚴重，我立即送佢去醫院縫針，嗰一刻我覺得需要珍惜Lorraine，所以決定結婚。」古太感動得喜極而泣，並擰歪面拭淚，向來眼淺的基仔亦感動得哭成淚人，場面感人，其後基仔拖住古太向在場來賓表示要「補妝」，引起全場笑聲。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|