伍姑娘慘慘豬 [壹週刊 - 1340] 伍姑娘,伍詠薇,M1,

同你吟一吟

伍姑娘慘慘豬

金錢權力同「飛士」呢三件事，只要你有，就愈想有更多；冇話啱定錯，係人性！

有傳伍詠薇貪高回報，攞咗二百萬私己錢放入馬勝基金，五月台灣馬勝爆煲，香港馬勝亦隨即申請變成不活躍公司，伍姑娘同佢班圈中姊妹，隨時見財化水。

就算係冰山一角，二百萬始終唔係小數目，最慘係誤己誤人，自己做埋艇仔叫人玩埋一份，隨時搞到朋友都冇得做。唔開心又擔心嘅伍姑娘，即使有老公練海棠陪去睇戲，又攬又拖，依然冇厘神氣，唧都唔識笑。

真金白銀投資冇咗，伍姑娘慘慘豬！堂堂大男人， 62歲 B哥鍾鎮濤最近又話俾李悅彤（彭順小三 Liddy）個澳門人夫富貴男友過咗戙，借佢個朵喺外面融資，講好晒合作開戲最後又冇影，累到 B哥為籌備開戲，蝕咗過百萬前期錢。雙方由生意夥伴，變成律師信你來我往。

唔同 case，但伍姑娘同 B哥都因為錢而中招，都話冇咁大隻蛤乸隨街跳㗎

睇完戲，返貝沙灣屋企前喺數碼港百佳買嘢，練海棠攬住老婆行，但睇伍姑娘個慘樣，就知冇乜用。

伍姑娘 200萬私己隨時凍過水，即使有老公又攬又拖氹番，佢都係垂頭喪氣。

兩公婆去睇 Johnny Depp新作《 Black Mass》，買完飛，伍姑娘去洗手間，見等咗好耐老婆都未返嚟，練海棠心急望。

同幾個男人喺天后三點三吹水，苦口苦面嘅 B哥一度走到外面入錶。

被指係澳門富二代嘅 Ivan Pao，同 B哥本來係生意拍檔，舊年亦有出席對方峇里島婚禮。

撰文：八珍

鍾意就快D Share啦！

下一篇 》