$(document).ready(function() { ga('set', 'dimension9', 'appledailyhk'); }); var globalvar, g_ngs_loggingData; // ***** START videoplaza AD plugin configuration ***** var videoPlazaCo ...
有報道指熊黛林（Lynn）與男友﹑即郭可盈細佬郭可頌，喺聖誕節秘婚，兩人仲被爆會喺日本沖繩行禮。不過Lynn經理人Kim代為否認婚訊，再追問Lynn有冇結婚計劃？Kim就話：「唔清楚，都冇聽過佢要结婚。」（新聞連結： http://goo.gl/t5T029 ）
今晚郭可盈同老公林文龍，出席喺灣仔舉行嘅保良局慈善晚宴，記者追問可盈，其胞弟可頌係咪結婚？佢榮升姑奶呢？可盈笑言：「我係做孻姑，唔係做姑奶。其實佢哋唔係秘婚，今次只係一家人plan咗好耐旅程，講咗幾年，難得一家人夾到時間，就一齊去旅行，文龍有工作去唔到。」
咁細佬係咪結婚呢？可盈表示：「唔係住，如果佢哋真係大好日子，Lynn一定會同大家講。」問到可盈是否滿意Lynn？佢話：「佢好乖，又善解人意，生活又健康，好好女仔。（畀幾多分？）當然係滿分，分呢啲由細佬畀，我哋好多飯局佢都有嚟。」咁會唔會催佢哋生BB？可盈話：「你哋跳晒step，最緊要雙方搵到一個對嘅人。」
咁睇唔睇好「頌Lynn戀」？可盈話：「梗係睇好，我細佬係好男仔，Lynn係好女仔，做好自己有人錫。」
另外，郭可盈明天生日，佢話一家人會Gathering，咁Lynn會唔會一齊出席？佢話：「係呀﹗（屋企聚會有Lynn份？）都係呀，但睇佢Schedule。」
此外，Lynn傍晚喺微博有感而發表示：「美麗的童話愛情故事，人人都羡慕著，嚮往著。落幕了，從浪漫的假想世界中抽離了。現在我的身份是『葉太太』（指葉問太太），一個堅強的偉大的妻子、母親。為工作我投入了百分之一百的熱情，也希望大家看到我的努力。還有，我是南京人，所以八卦新聞裏說的有些事情是不可能發生在我身上的。」
（攝影：沈健程） 
林文龍同郭可盈有影皆雙。 
郭可頌（資料圖片） 
熊黛林微博（微博圖片）