掃呢頁CODE去手機

2015年12月24日 星期四

周麗淇周汶錡不同戰線 [壹週刊 - 1346] 周汶錡,周麗淇,M1,

周麗淇同朋友喺Landmark同歷山大廈之間騰來騰去,女人扮靚,冇攰呢個字。同你吟一吟周麗淇周汶錡不同戰線舊年周麗淇憑內地劇《大漢賢后衞子夫》爆到,仲拍劇變拍拖,同比自己細六年嘅大陸演員徐正曦發展姊弟戀,拍拖兩年幾,同胞戀斷䌫,不過財路就冇斷,喺內地劇接劇之餘,更被指不乏官二代富二代追求。上星期三(十二月十六日),啱啱喺大陸拍完新劇《家年華》嘅周麗淇出動扮靚,由Landmark開始,跟住行過去歷山 ...


周麗淇同朋友喺 Landmark同歷山大廈之間騰來騰去,女人扮靚,冇攰呢個字。

同你吟一吟

周麗淇周汶錡不同戰線

舊年周麗淇憑內地劇《大漢賢后衞子夫》爆到,仲拍劇變拍拖,同比自己細六年嘅大陸演員徐正曦發展姊弟戀,拍拖兩年幾,同胞戀斷䌫,不過財路就冇斷,喺內地劇接劇之餘,更被指不乏官二代富二代追求。

上星期三(十二月十六日),啱啱喺大陸拍完新劇《家年華》嘅周麗淇出動扮靚,由 Landmark開始,跟住行過去歷山大廈 Prada試衫,搞足一個鐘,又行返去 Landmark嘅 Roger Vivier試鞋,好忙!

三十六歲未嫁周麗淇要 keep住個嘜頭唔懶得,已經泊碼頭上岸嘅家姐周汶錡就唔同戰線。今年七月生咗囝囝 Jacques,得臨生嗰個月似大肚婆嘅佢,完全冇產後修身煩惱。

做咗人阿媽, shopping亦變得童裝優先。上星期二(十五日)下晝三點,《壹》仔喺銅鑼灣利園見到周汶錡,全程留守喺童裝樓層,巡鋪接近一個鐘,新貨減價貨都睇。

女人話唔嫁,結婚後就話唔生,講吓好

入到 Roger Vivier,周麗淇睇 boots為主。

周汶錡喺利園童裝樓層巡鋪,行完一間又一間,精算靚媽唔衝動,睇清楚先郁手。

就快滿六個月大嘅 Jacques得意又靚仔,周汶錡好識生。

撰文:八珍


鍾意就快D Share啦!