2015年12月24日 星期四

伍允龍加港速遞 劉佩玥上門餵 [壹週刊 - 1346] 劉佩玥,伍允龍,M1,

娛樂偵訊伍允龍加港速遞 劉佩玥上門餵被拍拖八年的鍾嘉欣狠掟後,伍允龍亦唔執輸,就手搭上新劇《城寨英雄》拍檔劉佩玥;就算要飛去加拿大埋位拍荷李活片,亦唧出空檔,加、港兩邊走。日前,伍允龍秘密返港兩日,劉佩玥第一時間上門餵飽男友,珍惜分秒!兩日假照飛鍾嘉欣「棄船」後,伍允龍一度暗交SuperGirls隊長Aka,之後拍無綫劇《城寨英雄》遇上主動熱情的劉佩玥,二人由拍劇變拍拖,孖住出席朋友飯局,又不避嫌 ...


娛樂偵訊

伍允龍加港速遞 劉佩玥上門餵

被拍拖八年的鍾嘉欣狠掟後,伍允龍亦唔執輸,就手搭上新劇《城寨英雄》拍檔劉佩玥;就算要飛去加拿大埋位拍荷李活片,亦唧出空檔,加、港兩邊走。日前,伍允龍秘密返港兩日,劉佩玥第一時間上門餵飽男友,珍惜分秒!

兩日假照飛

鍾嘉欣「棄船」後,伍允龍一度暗交 Super Girls隊長 Aka,之後拍無綫劇《城寨英雄》遇上主動熱情的劉佩玥,二人由拍劇變拍拖,孖住出席朋友飯局,又不避嫌去圓方睇戲,劉佩玥更直認:「我覺得唔需要避忌太多。」還大讚男友俾到安全感自己:「唔係打得嘅男仔吸引女仔,係健康、令女仔有安全感嘅男仔先吸引人。」

拍完《城寨英雄》後,伍允龍隨即要飛往加拿大,為荷李活電影《 Birth of the Dragon》埋位,飾演李小龍。雖然劉佩玥走唔開,但伍允龍只要一有假期,便撲返香港冧女。日前,劉佩玥被目睹出入伍允龍位於長沙灣的昇悅居寓所,由於男友當晚要搭夜機飛返加拿大,劉佩玥逗留至黃昏便離開。

「《 Birth of the Dragon》導演係拍過《盜海豪情 12瞞徒》、《天網逆緣》嘅 George Nolfi,來頭都唔小! Philip(伍允龍)花咗半年時間去預備試鏡,今次接到可以做李小龍呢個角色,佢好開心;本來係會一直留喺加拿大,但同阿 Moon(劉佩玥)啱啱拍拖,兩個會好掛住,所以一有假期就返嚟! Philip都知阿 Moon多人追,所以就算今次得兩日假,都照撲返嚟,如果拍完幾個月戲先蒲頭,分分鐘冇埋個女朋友。」知情人說。

劉佩玥與伍允龍拍拖僅數月,但已公開出席朋友聚會,可見二人感情相當穩定。

為免太高調,劉佩玥與伍允龍拍拖飲茶都拉埋王君馨做電燈膽。而王是鍾嘉欣閨密,關係複雜。

早前拍電視劇《城寨英雄》,劉佩玥、伍允龍日對夜對擦出火花,就算大合照,二人定必企埋一齊黐到實。

終於明白鍾嘉欣

據了解,熱戀中的劉佩玥,曾向身邊閨密勁讚伍允龍。「而家先明白,點解鍾嘉欣咁鍾意佢,佢真係好細心,對我好好,好錫我!」冧爆!

記者致電劉佩玥問她是否跟伍允龍拍拖,當事人大為緊張。「吓!你(指記者)點解會咁問㗎?」問到她是否上男友屋企時,劉佩玥說:「唔好意思呀!我依家有啲嘢做,遲少少再覆你。」當然,例牌一去冇回頭。

前度有着落,鍾嘉欣月前亦隔空向伍允龍送祝福:「我哋依家已經好少聯絡,但會祝福佢開心同順利。」

與鍾嘉欣甩拖後,男方亦傳拍電影《潛龍狙擊》時,搭上 Super Girls隊長 Aka。

嘉欣 BB與伍允龍拍拖八年,由最初發展地下情,至近年半公開,有傳因陳展鵬介入,成分手導火線。

近日在加拿大拍荷李活電影《 Birth of the Dragon》的伍允龍,不用開工,也只逛漫畫店,乖仔一名。

荷李活電影假期比較多,日前伍允龍難得有兩天假,即秘密飛返港見劉佩玥。

發電港姐

13年度港姐季軍劉佩玥,選港姐前曾是施念慈旗下做 model,性格主動的她,身邊男人團團轉,連賭王四房公子何猷亨,也是裙下之臣。

何猷亨

身為何家四房公子,卻甘願做外賣仔,親自送消夜給拍通宵戲的劉佩玥;女方亦禮尚往來,今年 9月,被拍得人肉速遞上猷亨的君臨天下。

黃又南

今年 5月,有傳劉佩玥與黃又南拍劇集《殭》撻着,兩人在車上談心互嘴。

周志文

性格 open的劉佩玥連緋聞王周志文都唔放過,有指二人在 K房飲大兩杯後,旁若無人狂嘴,結果激嬲高層樂易玲,同周志文解約。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...