2015年12月24日 星期四

堅打!「晶女郎」 Hazel講明要右手 對手 Winkie退賽保命 [壹週刊 - 1346] Hazel,M1,唐紫睿

Hazel(唐紫睿)有五呎九吋高的Hazel,單憑身形已經贏晒對手,加上好勇鬥狠的性格,連同樣高大的龍小菌都唔夠佢打。探熱針堅打!「晶女郎」Hazel講明要右手 對手Winkie退賽保命明年四月出街的ViuTV話題節目《G1格鬥會》,以一班女藝人拍MMA真人騷為賣點,女人多是非就多,互片出口仲郁埋手。據了解,比賽期間曾經打到動真火!早有牙齒印的「晶女郎」Hazel(唐紫睿)和前HotCha成員Wi ...


Hazel(唐紫睿)

有五呎九吋高的 Hazel,單憑身形已經贏晒對手,加上好勇鬥狠的性格,連同樣高大的龍小菌都唔夠佢打。

探熱針

堅打!「晶女郎」 Hazel講明要右手 對手 Winkie退賽保命

明年四月出街的 ViuTV話題節目《 G1格鬥會》,以一班女藝人拍 MMA真人騷為賣點,女人多是非就多,互片出口仲郁埋手。據了解,比賽期間曾經打到動真火!早有牙齒印的「晶女郎」 Hazel(唐紫睿)和前 HotCha成員 Winkie(黎美言)勢成水火;火遮眼的 Hazel贏獎其次,以眼中釘 Winkie的右手為終極目標。為防有人借機公報私仇,保住手腳要緊的 Winkie,即使打入四強,都被迫臨尾退賽。

手口並用

ViuTV的 MMA真人騷《 G1格鬥會》,參賽者要埋身肉搏堅砌,八位參賽女藝人甚至要簽下生死狀,打死冇怨!

打真軍自然動真火,節目還未出街,有份參賽的吳浩康前度 Hazel(唐紫睿)因不滿對手 Winkie(黎美言)拍訓練花絮時打得「太認真」,令參賽者之一的阿旦(鄧洢玲)面部受傷;當事人未投訴,揪得的 Hazel卻藉機出手,教訓 Winkie,二人打出牙齒印,成為仇家。之後出席活動,兩人互相單打,郁完手再出口。

Hazel寸爆:「贏要贏得光明磊落,有啲參賽者嘅所作所為,我係極度鄙視。」

有牙齒印的 Winkie(左一)同 Hazel(右二),在公開活動面左左兼互相單打。

身材的骰的 Winkie,估唔到可以打到入四強。但怕咗仇家 Hazel,血汗打番嚟嘅機會都要放棄。

爆響口

據悉,八個參賽者中,打到周身傷的鄧洢玲(阿旦)及王蘊妮已頂唔順退賽,身形高大的龍小菌及劉燕妮,亦大熱倒灶,剩下鄧穎芝、 Hazel、 Winkie及郭思琳進入最後四強。

有指玩開泰拳的鄧穎芝及高頭大馬的 Hazel是《 G1》大熱,恃住揪得的 Hazel,試過忍唔住向工作人員爆響口,要在終極一戰對準眼中釘 Winkie的右手攻擊。

「 Hazel話如果 Winkie四強贏咗,就有機會同佢對打,到時一定去到盡,目標係 Winkie隻右手。我哋有勸佢只係一個節目,唔使為啖氣去到咁盡,雖然真打手腳腫瘀在所難免,但玩到咁大,就冇謂」場組工作人員透露。

為了在節目出位, Hazel打到周身瘀傷,最終成功進身四強,且成大熱。

承認退賽

自己隻右手被視為目標, Winkie亦收到風,為安全計,她寧願放棄機會,決定退賽。求證 Winkie經理人公司星韜,公司高層 Carol亦承認有聽過此事。

「關於呢件事,我哋公司都有聽過吓,但始終係傳聞,我哋冇專登搵當事人求證,不過為咗旗下藝人自身安全,俾 Winkie打埋最近嘅一場,無論贏輸,都唔會再打落去!最緊要保住 Winkie塊面同手手腳腳,完完整整咁。」 Carol說。

打綜合格鬥( MMA)有啲姿勢的 Winkie,有指她每次拍攝時都打得落力,因而惹對手不滿,太認真都係「罪名」!

HotCha解散前,有傳 Winkie跟另一成員 Regen不和。

Hazel與鄧穎芝 friend到爆,有指兩人在節目聯手杯葛同樣打得的 Winkie。

惹火尤物

吳浩康前度唐紫睿( Hazel),曾受男友影響學習泰拳,擁有 33C上圍的她唔只身材火辣,行為談吐亦相當惹火。

寸爆袁嘉敏

15年, Hazel參與電影《鴨王》,被袁嘉敏在微博暗寸她借位做新聞, Hazel即時還拖,指對方恃住自己是女主角,在片場經常黑面,又在 ig寫下:「我認為真正的明星,應該係一個真正值得人鍾意的人,品格言行態度才是最重要!」

被盛品儒胸襲

13年, Hazel與盛品儒在夜場玩天光,半醉的 Hazel任由對方又攬又啜,甚至胸襲, Hazel的 tube dress被扯低,當眾露出大半球。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...