掃呢頁CODE去手機

2015年12月24日 星期四

林青霞天然生曬 [壹週刊 - 1346] 青霞,M1,林青霞

同你吟一吟林青霞天然生曬非法入境者入屋擄人打劫,南亞裔人又搶「7仔」,香港忽然回到死飛仔年代!防患未然,所以過去獨來獨往嘅林青霞,亦開始有保鏢跟身。事頭婆行街shopping,保鏢戙喺名店門口等,買完就做埋賓賓,幫手攞嘢!同個阿太friend一齊血拼嘅林青霞,Marni、AlexanderMcQueen、Prada,站站停,亦總有嘢睇啱!青霞有收穫,八珍一樣!只見大美人打扮包到上頸兼由頭黑到落腳, ...


同你吟一吟

林青霞天然生曬

非法入境者入屋擄人打劫,南亞裔人又搶「 7仔」,香港忽然回到死飛仔年代!防患未然,所以過去獨來獨往嘅林青霞,亦開始有保鏢跟身。

事頭婆行街 shopping,保鏢戙喺名店門口等,買完就做埋賓賓,幫手攞嘢!同個阿太 friend一齊血拼嘅林青霞, Marni、 Alexander McQueen、 Prada,站站停,亦總有嘢睇啱!

青霞有收穫,八珍一樣!只見大美人打扮包到上頸兼由頭黑到落腳,但始終遮唔到天賦本錢。四個字:天然生曬!

喺 Marni睇中一套鮮紅色衫裙,啱氣氛又夠搶眼,試啱買;但更搶眼嘅,係青霞個心口。

事頭婆買買買,西裝保鏢遙距盯實,又第一時間幫手拎嘢,好盡責。

Shop到要外賣咖啡提神,廿蚊唔使找。

大美人睇得上眼嘅,包括呢個 Prada蛇皮包包。

撰文:八珍


鍾意就快D Share啦!