衞詩雅要到海拔 3千米的四川四姑娘山錄真人騷，仲要逗留 1個月，真係辛苦過拍戲！（網上圖片）
封面
拍大陸真人騷出事 沒收電話封消息 詩雅墮冰河昏迷 2日
近年愈來愈多藝人北上做真人騷賺人仔，王祖藍連續 3季拍《奔跑吧兄弟》，成功殺入內地市場；連天后級的楊千嬅同 G.E.M.，年初亦參加深圳衞視的《極速前進》，有錢齊齊搵！
真人騷酬勞高，但危險性亦比拍劇高。千嬅曾經因鬥牛整親腰骨，今次則輪到首度拍強國真人騷的衞詩雅。月前去四川錄影綜藝節目《怒放霸王花》， 31歲詩雅要在零下十幾度野外求生，上週更不幸失足跌落極凍的冰河中，昏迷了 2日。
人生路不熟，被劇組沒收電話，隔絕參加者同外界聯絡，詩雅為賺人仔真係搵命搏！
衞詩雅上年接拍四川衞視真人騷《怒放霸王花》，與另外 15位來自中國各地的女藝人或運動員比賽。 16名成員以兩人為一組，要在四川的四姑娘山雙橋溝景區野外求生，亦要互相追捕，過程非常體力化。
海拔 3千高雪山拍攝
四姑娘山海拔高達 3千幾米，氣溫低至零下十幾度， 12月經常有大風雪，絕對唔係一般節目咁輕鬆！劇組為免內容外洩，每當錄影時會沒收所有通訊設備，只有放假才會歸還電話，不過山區訊號極差，即使有電話都未必收到。
近日劇組傳出有一位香港藝人於錄影時出事，在冰天雪地的山區追逐期間，失足跌落結冰的河水中，即時暈倒送院，更昏迷了足足兩日！本刊翻查該節目的官方微博，發現 16位女仔只有詩雅來自香港。
「劇組唔會供應食物」
詩雅上月中到四川入組，每隔幾日都會上 fb報平安，聖誕及元旦當日亦有 po相，但自 1月 1日下午開始便再冇更新。
其實出事前詩雅曾做 facebook live，話到步初期曾患上高山症，她說︰「每日要飲一種叫『紅景天』嘅飲品，好在適應咗，不過跑步跑 1、 2分鐘已經會氣喘，真係會缺氧！」零下十幾度的低溫亦令詩雅拍攝中途病倒，「我每日着五件衫，玩遊戲時着四條褲，凍到手指腳趾都冇感覺，暖包又用晒，𠵱家都病緊！而且要自己搵嘢食，劇組唔會供應食物！」
疑踩中冰薄冰
據知，詩雅出事時，正與其他組追逐混戰中，現場環境除了樹林，仲有結了薄冰的河流，詩雅都話好危險，「有時會有雪鋪喺河面，如果我哋以為係雪地踩咗上去，就會跌入河！」估計詩雅就是因為踩中薄冰而跌落冰河。
據知詩雅在元旦當日失足墮河，隨即送往附近的醫院，劇組為免引起恐慌，對外封鎖消息。《 FACE》多次聯絡詩雅都不果；而英皇方面，至截稿前都未有回應。
其實《怒》拍攝期間已經多次發生意外，唔少成員為了躲避其他組的追捕而受傷，亦有人情緒崩潰爆喊，節目更一度被迫停止錄影，令開播日期不斷延後。要冰天雪地下求生 1個月，邊個話人仔易搵㗎？
博過成家班
《怒放霸王花》有 16位女藝員參加，全程在環境惡劣的四川四姑娘山拍攝，期間唔少成員跌傷擦傷，幾乎每日都有意外發生，令拍攝進度受阻，節目更要押後播出！
這些機會......
出道多年的衞詩雅，拍過唔少電影及廣告，可惜始終未能彈起。今次接拍內地真人騷，有機學陳偉霆可以在強國爆紅喎！
李彩華
13年參加《星跳水立方》， Rain在三米板失手撻落水，當場痛哭！ Rain又練到雙腳又紅又瘀，最後拒絕參加復活賽。
楊千嬅
今年同老公丁子高接拍《極速前進》第二季，其中西班牙一站被鬥牛撞飛再高空撻落地，腰部受傷，要即刻去醫院照 X光。
曾寶儀
同樣是《極速前進》，曾寶儀在土耳其站跌落 1米深污水池，令盆骨腔發炎，需開刀割除膿瘡，休息 2個月。
採訪、撰文：娛樂組
|
鍾意就快D Share啦！
|
|
|
