掃呢頁CODE去手機

2016年1月6日 星期三

奉子成婚  6月 8註冊  2週前趕擺酒  24歲李蘊有餡 2個月 [FACE - 450] __,李蘊,MF,

拍拖三年註冊半年,李蘊同廣州才俊羅章冠兩週前突然籌備婚禮,週日(3日)在海南島擺酒宴客,咁急都係因為有餡兩個月。真面目奉子成婚 6月8註冊 2週前趕擺酒 24歲李蘊有餡2個月BB出嫁了,新郎不是我,葡萄下是常識吧?24歲李蘊BB週日(3日)喺海南島出嫁,老公仔羅章冠一露真身,巴打一個二個都攞「金融才俊」三個字大做文章,葡萄李蘊咁後生嫁人講錢唔講心喎。其實李蘊老公唔夠前度周子揚靚仔,又唔夠另一個前度 ...


拍拖三年註冊半年,李蘊同廣州才俊羅章冠兩週前突然籌備婚禮,週日( 3日)在海南島擺酒宴客,咁急都係因為有餡兩個月。

真面目

奉子成婚  6月 8註冊  2週前趕擺酒  24歲李蘊有餡 2個月

BB出嫁了,新郎不是我,葡萄下是常識吧?

24歲李蘊 BB週日( 3日)喺海南島出嫁,老公仔羅章冠一露真身,巴打一個二個都攞「金融才俊」三個字大做文章,葡萄李蘊咁後生嫁人講錢唔講心喎。

其實李蘊老公唔夠前度周子揚靚仔,又唔夠另一個前度劉謙出名,不過據悉老公絕非傳聞中富二代,同李蘊舊年 6月 8日已經低調註冊,直到發現有喜至急急腳行埋個禮!邊個話 BB唔講心?今次堅係有埋 BB,祝福下

潮流興有嫁趁早,有得生都最緊要快,所以 11歲出道嘅李蘊早入行更早嫁人。跟廣州銀行家羅章冠相戀三年,李蘊早喺兩年前已經傳出收山秘嫁做少奶,原來一年前才開始搬上廣州展開半同居試婚生涯,去年 6月 8日偷偷在廣州註冊一心諗住繼續低調,直至兩個星期前發現有餡,才臨急臨忙行禮又祭祖求向男家長輩有個交待。

婚禮翌日各大傳媒收到官方發相,睇見都覺得甜。

一向身材瘦削的李蘊行禮時身穿密實婚紗,又刻意用花球遮肚,不過交換戒指環節就曝露圓潤腰肢。

好姊妹嫁人,所以連宇宙 G.E.M.都要經過下海南島,賭王千金超蓮(左)都要撲住陪嫁,超蓮更喊住睇姊妹出嫁。

老公白手創業

又話新郎哥係富二代,上一代有錢有面自己亦係金融才俊,據悉實情羅冠章原籍海南出身普通中產家庭,三年前李蘊因為同年出道新人、 Freeze成員甄詠珊介紹認識,丈夫的確曾任職廣州渣打銀行高層,不過去年已經辭職自組公司打天下,白手興家仲係搏殺階段。相熟朋友一早知二人偷偷註冊亦唔打算短期內大肆鋪張搞婚宴,所以兩週前收到消息去飲宴都覺突然,原來係要同個肚鬥快。

大婚翌日,李蘊電話打極唔通,不過密友綠魔徐嘉浩就話似層層:「之前搵佢做聖誕 job,佢又話唔可以 hold個期, E Cup Baby劉欣宜 3月結婚請佢做姊妹,佢都話唔係太方便。李蘊份人都唔鍾意講大話,問佢唔願答,咁多數係因為未夠三個月唔方便講!」雙喜臨門真係要請小鳳姐。

雖然一樣有名車做花車,婚宴又喺海南島五星級酒店,講派頭唔差㗎!

老公仔平實,李蘊亦係慳妹,據悉嫁完女,李蘊媽媽繼續住舊居。

雖然只係 24歲人仔,不過李蘊(中) 11歲已經組成女童組合 Cream出道,資歷深過好多人。

同居一年的李蘊、羅章冠,婚後亦會繼續居住男方位於廣州的君滙世家單位。

純情 BB

11歲出道, 24歲嫁人,以 13年娛圈資歷嚟講,李蘊 BB其實算係純情,前度加老公都係一隻手指數得晒。

魔術手

11年喺《魔法擂台》一面之緣,李蘊撻着紅遍中港台的魔術天王劉謙,無耐仲俾人影到人肉速遞到台北添,一年後疑似劉謙擘腿,李蘊喊住嗌分手。

唔肯認

10年曾經同周子揚(左一)默認「發展中」,外傳李蘊為劉謙撇仔後,李蘊同周子揚又夾埋口供否認戀情。至於當年企喺周子揚側的 Freeze甄詠珊(右二),又咁啱就係一手促成昨天婚禮的紅娘。

採訪、撰文:娛樂組

攝影:攝影組


鍾意就快D Share啦!